Nieruchomaść

Ceny na nieruchomaść pajšli ŭniz. Pryčym nie tolki ŭ Minsku

Da siaredziny listapada kvatery pastajanna daraželi ciaham niekalkich hadoŭ.

Ilustracyjny zdymak. Fota: telehram-kanał Unutranych vojskaŭ Biełarusi

Što adbyvajecca ŭ stalicy?

Kastryčnik staŭ adnym z najhoršych miesiacaŭ 2026 hoda pa kolkaści ździełak. Pa papiarednich padlikach, ich było kala 1140. Heta prykładna na 5% mienš, čym u vieraśni, i na 25% mienš za kastryčnik minułaha hoda. Mienš ździełak sioleta było tolki ŭ studzieni, jaki tradycyjna źjaŭlajecca samym ścipłym miesiacam prodažaŭ.

Paśla $2605 piku pa prapanovach siaredni košt mietra ŭ Minsku pačaŭ źnižacca.

Skrynšot: realt.by

Da 15 listapada cana mietra ŭ stalicy pa prapanovach apuściłasia da $2580 za mietr. Da hetaha ź vieraśnia ceny pa prapanovach źnižalisia vyklučna ŭ «Minsk-Śviecie».

A ŭ abłasnych centrach?

Kastryčnik i listapad stali pierałomnymi nie tolki dla stalicy. Kolkaść ździełak u minułym miesiacy ŭ dačynieńni da vieraśnia skaraciłasia va ŭsich piaci abłasnych centrach. Mienš za ŭsio ŭ Viciebsku — na 4%, a bolš za ŭsio ŭ Homieli — na 17%.

Ceny prapanoŭ taksama pačali prasiadać.

U Breście, samym darahim abłasnym centry, ceny prapanoŭ za dva tydni źmienšylisia z $1464 da $1447.

Skrynšot: realt.by

U Hrodnie prasiadańnie prapanoŭ — z $1296 da $1293 za mietr, u Homieli — z $1173 da $1165, u Mahilevie — z $1172 da $1168.

U Viciebsku, jaki źjaŭlajecca samym tannym siarod abłasnych centraŭ, siaredni košt prapanavanaha mietra ŭ listapadzie źniziŭsia z $1107 da $1091.

Skrynšot: realt.by

Što heta moža aznačać dla rynku? 

Admietna, što ciapierašniaja karekcyja cen adbyvajecca pry stabilnym kursie valut i biez paharšeńnia ŭmoŭ kredytavańnia. Heta moža ŭkazvać na toje, što piermanientny rost cen na nieruchomaść, jaki naziraŭsia ŭ Biełarusi ŭ apošnija hady, spyniŭsia.

Pry hetym ekśpierty rynku nieruchomaści nie prahnazujuć abvału, bo dla hetaha niama abjektyŭnych pryčyn. Ale niama pryčyn i dla dalejšaha rostu, bo ceny ŭžo nie adzin miesiac zapar abnaŭlali histaryčnyja rekordy. Što da kolkaści prapanoŭ, to jana pastupova padrastaje, ale rost pakul nadta słaby, kab pačać adčuvalna ŭpłyvać na ceny.

Ź inšaha boku, situacyja, jakaja skłałasia, moža padšturchnuć inviestaraŭ jak maha chutčej vystavić kvateru na prodaž, pakul ceny znachodziacca na piku, a heta, u svaju čarhu, moža paŭpłyvać na źnižeńnie siaredniaj cany mietra.

Kamientary

Ciapier čytajuć

Krymski most zrujnavany ŭdaram rakiet «Fłaminha»2

Krymski most zrujnavany ŭdaram rakiet «Fłaminha»

Usie naviny →
Usie naviny

Paŭła Muraviejku, jaki adpracavaŭ namieśnikam u Administracyi Łukašenki tolki paŭtara miesiaca, pieraviali ŭ kiraŭniki Viciebščyny25

«Pamiatnik žertvam fašyzmu»: u Azaryčach źjaviŭsia dziŭny ŭkazalnik28

Novy vobraz Michałka. Jak prajšoŭ kancert «Lapisa Trubiackoha» ŭ Bierlinie23

U Minsku ŭžo pastavili pieršuju jołku5

Dačakałasia z vojska i pajechała ź im u rejs. Pad Starymi Darohami zahinuła maładaja para z Babrujska3

Niaviestka Lilii Ananič stała top-mieniedžaram u BiełTA — viarnułasia na radzimu praz čatyry miesiacy paśla emihracyi ŭ Kitaj24

Va Ukrainie 14‑hadovaja školnica naradziła ad 60‑hadovaha mužčyny. Jana kaža, što jon dobry baćka, i prasiła nie karać jaho29

Taksista i byłoha achoŭnika «Jeŭraopta» z Baranavičaŭ abvinavačvajuć pa palityčnym artykule3

USU ŭdaryli pa Krymskim moście. Ruch transpartu spynieny15

bolš čytanych navin
bolš łajkanych navin

Krymski most zrujnavany ŭdaram rakiet «Fłaminha»2

Krymski most zrujnavany ŭdaram rakiet «Fłaminha»

Hałoŭnaje
Usie naviny →

Zaŭvaha:

 

 

 

 

Zakryć Paviedamić