46‑hadovaha minskaha psichołaha i biznes-treniera pasadzili pa palityčnaj spravie
Siarhiej Vałodźka šmat hadoŭ zajmaŭsia arhanizacyjaj adukacyjnych mierapryjemstvaŭ u Minsku, vioŭ treninhi i papularnyja błohi pra psichałohiju. A niadaŭna jaho asudzili pa palityčnym artykule.

Siarhieju Vałodźku 46 hadoŭ. Jon ź Viciebskaj vobłaści, a apošnija hady žyŭ u Baraŭlanach pad Minskam. Jak minimum z 2011 hoda mužčyna zajmaŭsia arhanizacyjaj adukacyjnych i biznes-mierapryjemstvaŭ u stalicy — byŭ dyrektaram prajekta «Treninh Kłub», a ŭ 2017 hodzie zasnavaŭ i ŭznačaliŭ kampaniju «Edjutejn».
Apošnim časam Siarhiej pazicyjanavaŭ siabie jak psichołah-praktyk i koŭč, stvaryŭ zakrytuju supolnaść CLUB 90901 dla dasiahnieńnia metaŭ, vioŭ prahramy «Mužčynskaje koła» i «30 dzion dla siabie». Jon aktyŭna raźvivaŭ svaje sacsietki — jahony TikTok sabraŭ kala 6 tysiač padpisčykaŭ, a niekatoryja roliki nabirali pa paŭmiljona prahladaŭ.
Nieviadoma, kali dakładna aryštavali mužčynu, ale jašče ŭ siaredzinie lutaha 2026 hoda jon pakidaŭ paviedamleńni ŭ prafiesijnych čatach u telehramie.
Ciapier stała viadoma, što ŭ dačynieńni da Siarhieja Vałodźki ŭstupiŭ u zakonnuju siłu prysud pavodle artykuła 361 Kryminalnaha kodeksa Biełarusi («zakliki da sankcyj ci inšych dziejańniaŭ, nakiravanych na pryčynieńnie škody nacyjanalnaj biaśpiecy»).
Dakładny termin pakarańnia nieviadomy, ale źviazany z pazbaŭleńniem voli.
«Naša Niva» — bastyjon biełaruščyny
PADTRYMAĆCiapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Kamientary