U centry Minska na moście 21‑hadovy pierakuliŭsia na BMW. Momant trapiŭ na videa
U Minsku na puciepravodzie na vulicy Suražskaj kiroŭca BMW trapiŭ u DTZ: urezaŭsia ŭ aharodžu, paśla čaho aŭtamabil pierakuliŭsia na dach, a zatym znoŭ staŭ na koły, piša Onliner.by.

Miarkujučy pa videa, paśla vyjezdu na puciepravod kiroŭca pierabudavaŭsia ź levaj pałasy ŭ pravuju pierad tralejbusam. Niekalki siekund aŭtamabil vichlaŭ pa darozie, paśla čaho adbyłosia sutyknieńnie.
BMW atrymaŭ surjoznyja paškodžańni piaredniaj častki, na prajeznaj častcy lažać abłomki aŭtamabila. Aficyjnaj infarmacyi pra toje, kolki čałaviek znachodziłasia ŭ mašynie i ci jość paciarpiełyja, pakul niama.
«Kiroŭca sam vyjšaŭ z mašyny, pačaŭ kamuści telefanavać. Na pytańnie, ci patrebna dapamoha, adkazaŭ, što ŭsio dobra. Ale pasažyr nie vyjšaŭ, zastavaŭsia na piarednim siadzieńni», — raskazaŭ aŭtar videa.
Ruch na hetym učastku darohi moža być uskładnieny. Darečy, ciapier u Minsku zatory aceńvajucca ŭ 8 bałaŭ.
Pavodle papiaredniaj viersii DAI, 21‑hadovy kiroŭca BMW padčas pierastrajeńnia nie spraviŭsia z kiravańniem, dapuściŭ zanos aŭtamabila i ŭrezaŭsia ŭ bietonnuju aharodžu. U avaryi nichto nie paciarpieŭ.
Kamientary