Francuzski akcior Žerar Depardźjo adklikaŭ apielacyju na prysud pa spravie ab seksualizavanym hvałcie, vyniesieny jamu ŭ 2025 hodzie. Jon pryznaŭ, što jaho pavodziny ŭ dačynieńni da paciarpiełych žančyn byli abraźlivymi, i paprasiŭ u ich prabačeńnia. Heta pieršy vypadak, kali Depardjo publična paprasiŭ prabačeńnia za svaje pavodziny.

«Mianie pryznali vinavatym. Ja čuju hety prysud i prymaju jaho», — napisaŭ 77‑hadovy Depardjo ŭ zajavie dla presy.
Aktor pryznaŭ, što mnohija jaho žarty i žesty mahli abražać žančyn, navat kali jon nie mieŭ takoha namieru. Pavodle jaho, jon zrazumieŭ, što najaŭnaść abo adsutnaść namieru abrazić nie źmianšaje naniesienaj škody. Depardjo taksama adznačyŭ, što časy źmianilisia, i nazvaŭ siabie častkaj śvietu, jakoha bolš nie isnuje.
Abvinavačańni suprać akciora tyčylisia zdymak filma «Zialonyja akanicy» ŭ 2021 hodzie. Adna z paciarpiełych, mastačka-pastanoŭščyca karciny, śćviardžała, što Depardjo chapaŭ jaje za taliju, žyvot i hrudzi. Druhaja žančyna, pamočnica režysiora, skardziłasia na niepažadanyja dotyki da hrudziej i jahadzic.
Heta pieršaja sprava suprać Depardjo, jakaja dajšła da suda. Ahułam u padobnych pavodzinach jaho abvinavačvali kala 20 žančyn.
U mai 2025 hoda sud pryznaŭ aktora vinavatym i prysudziŭ jamu paŭtara hoda pazbaŭleńnia voli ŭmoŭna. Tady Depardjo svajoj viny nie pryznavaŭ.
Žerara Depardjo asudzili za seksualny hvałt
«Ja schapiŭ jaje za ściohny, kab nie paśliznucca». U Paryžy idzie sudovy praces nad Žeraram Depardjo pa abvinavačvańni ŭ seksualnym hvałcie
U Paryžy siońnia pačniecca pieršy sudovy praces suprać Žerara Depardjo — jaho abvinavačvajuć u seksualnych damahańniach
U Paryžy aryštavali Žerara Depardjo
Kamientary