Cieła krakaŭskaha strałka nichto zabirać dla pachavańnia nie choča. Jaho dumajuć addać navukoŭcam
Ułady Krakava razhladajuć mahčymaść pieradać cieła Michała Aksińskaha, jaki 7 listapada ŭčyniŭ stralaninu z achviarami ŭ centry horada, Jahiełonskamu ŭniviersitetu dla miedycynskich i navukovych daśledavańniaŭ. Pakul nichto ź jaho svajakoŭ nie vykazaŭ žadańnia zabrać cieła i arhanizavać pachavańnie.

16 listapada ŭ polskaj vioscy Vaśnieŭ Śvientakšyskaha vajavodstva raźvitalisia z baćkami i siastroj Aksińskaha, jakich jon zabiŭ u kvatery pierad napadam u Krakavie. Raniej prakuror Eryk Stasielak paviedamlaŭ, što pachavać ich zachacieŭ adzin sa svajakoŭ. Adnak nakont pachavańnia samoha Michała pakul nichto nie źviartaŭsia.
Pradstaŭnik Nacyjanalnaj prakuratury ŭ Varšavie Pšemysłaŭ Novak patłumačyŭ, što, kali nichto z asob, jakija majuć na heta prava, nie voźmiecca za arhanizacyju pachavańnia, cieła pavodle pravił pavinien pachavać municypalitet, na terytoryi jakoha čałaviek pamior.
Prezident Krakava Łukaš Hibała zajaviŭ, što źvierniecca da Miedycynskaha kalehiuma Jahiełonskaha ŭniviersiteta z prapanovaj pieradać cieła napadnika dla miedycynskich i navukovych daśledavańniaŭ. Pavodle jaho słoŭ, heta zaležyć ad rašeńnia siamji: kali svajaki nie zabiaruć cieła i nie arhanizujuć pachavańnie, jon paprosić haradskija ŭłady nie zajmacca pachavańniem, a pieradać jaho navukoŭcam.
7 listapada 24‑hadovy Michał Aksiński pryjechaŭ na aŭtamabili na Rynkavuju płošču ŭ centry Krakava i adkryŭ ahoń. U vyniku zahinuli šeść čałaviek, jašče niekalki dziasiatkaŭ atrymali ranieńni. Pravaachoŭniki paranili napadnika, paśla čaho jon pamior u balnicy.
U dzień napadu ŭ domie siamji Aksińskaha taksama znajšli cieły jahonych baćkoŭ i siastry z ahniastrelnymi ranieńniami.
Siamju zabiŭ, pakul tyja spali, cikaviŭsia «hitleraŭcami i aryjskaj rasaj». Što jašče viadoma pra spravu 24‑hadovaha strałka ŭ Krakavie
«My ŭsie ŭ šoku». Jak stralanina ŭ centry horada zakranuła biełarusaŭ u Krakavie
Paranienych u Krakavie palicyjantaŭ vyratavali dva viadomyja chirurhi: jany abiedali pobač i kinulisia na dapamohu
«Takija žyćciaradasnyja ludzi. Nie toje što jon». Susiedzi raskazali pra siamju napadnika z Krakava
Kamientary