U Vilni adkryjuć pamiatnuju šyldu na mahile dyrektara Navahrudskaj biełaruskaj himnazii

U Vilni ŭ subotu ššanujuć pamiać dyrektara Navahrudskaj biełaruskaj himnazii Jana Ciechanoŭskaha na Śviata-Jefrasińnieŭskich (Lipoŭskich) mohiłkach, tam projdzie adkryćcio i aśviačeńnie pamiatnaj šyldy ŭ honar vykładčyka, paviedamlaje Asacyjacyja biełaruskich baćkoŭ u Litvie.
Jan Ciechanoŭski byŭ adnym ź dziejačaŭ biełaruskaha školnictva ŭ mižvajennaj Zachodniaj Biełarusi. U 1921 hodzie jon uznačaliŭ Navahrudskuju biełaruskuju himnaziju, dzie taksama vykładaŭ biełaruskuju litaraturu i francuzskuju movu.
Pavodle histaryčnych źviestak, na pasadu dyrektara jaho abrali sami baćki vučniaŭ. Navahrudskaja biełaruskaja himnazija była važnym centram biełaruskaj adukacyi i kultury. Siarod jaje vykładčykaŭ byŭ viadomy biełaruski mastak Jazep Drazdovič.
Da hetaj pracy dałučyłasia taksama Biełaruskaja pravasłaŭnaja supolnaść Kanstancinopalskaha patryjarchatu, a Asacyjacyja biełaruskich baćkoŭ u Litvie padtrymała hetyja namahańni i całkam prafinansavała vyrab pamiatnaj šyldy na nadmahilli Jana Ciechanoŭskaha.
Data: subota, 21 listapada 2026 hoda
Čas pačatku: 12:00
Zbor udzielnikaŭ: a 11:50 kala ŭvachodu na mohiłki
Miesca: Śviata-Jefrasińnieŭskija (Lipoŭskija) mohiłki, Vilnia
Łakacyja pachavańnia Jana Ciechanoŭskaha.
Kamientary