Hramadstva

Zabraŭ «kata ŭ miašku». Čamu biełarus nie zmoh viarnuć tavar u Punkt vydačy zakazaŭ?

Biełarus kupiŭ navušniki ŭ zamiežnaha pradaŭca na zamiežnym markietpłejsie. U punkcie vydačy zakazaŭ zabraŭ «kata ŭ miašku»: uskryć upakoŭku da paćviardžeńnia atrymańnia, pa słovach pakupnika, jamu zabaranili.

Čałaviek staŭ vyśviatlać, nakolki heta pravamierna, i vyjaviłasia, što «ni Ministerstva antymanapolnaha rehulavańnia i handlu, ni supracoŭniki PVZ nie majuć paŭnamoctvaŭ fiksavać brak ci abaviazvać pradaŭca pryniać viartańnie — pakupnik pavinien sam adpraŭlać tavar mižnarodnaj poštaj u Kitaj», piša Onliner.by.

«Prymianiajecca zakanadaŭstva Kitaja»

Uźnikli ŭ biełarusa i inšyja pytańni. Naprykład, pakupnik źviarnuŭ uvahu, što pry zamovie tavaru na sajcie ŭ nacyjanalnaj damiennaj zonie.by cana paznačanaja ŭ biełaruskich rublach, vybranaja dastaŭka ŭ punkt vydačy zakazaŭ na terytoryi Biełarusi, adnak paśla apłaty kasavy ček farmujecca ŭ zamiežnaj valucie.

Čytač samastojna źviarnuŭsia ŭ Minski rajvykankam i Ministerstva antymanapolnaha rehulavańnia i handlu. Nižej — tłumačeńni z nahody zakazaŭ z-za miažy, jakija atrymaŭ pakupnik navušnikaŭ.

Jak rastłumačyli ŭ MARH, biełarus zakazaŭ navušniki na zamiežnym markietpłejsie ŭ kitajskaha pradaŭca z dastaŭkaj u Biełaruś. A pry afarmleńni zakazu ŭ zamiežnaha (u tym liku kitajskaha) pradaŭca damova roźničnaj kupli-prodažu zaklučajecca naŭprost pamiž spažyŭcom i pradaŭcom.

«U adpaviednaści z artykułam 1125 Hramadzianskaha kodeksa Respubliki Biełaruś, kali niama pahadnieńnia bakoŭ ab pravie, jakoje padlahaje prymianieńniu, da damovy prymianiajecca prava krainy, dzie znachodzicca asnoŭnaje miesca dziejnaści boku-pradaŭca.

Pakolki pradaŭcom u hetym vypadku vystupała kitajskaja jurydyčnaja asoba, da ŭźnikłych pravaadnosin prymianiajecca zakanadaŭstva Kitaja. Zakanadaŭstva Biełarusi, u tym liku ab abaronie pravoŭ spažyŭcoŭ i ab handli, na adnosiny z kitajskim pradaŭcom, a taksama na dziejnaść zamiežnaj internet-placoŭki nie raspaŭsiudžvajecca.

U suviazi z hetym u MARH adsutničajuć paŭnamoctvy na pryniaćcie zachadaŭ reahavańnia da zamiežnaha subjekta haspadarańnia».

U viedamstvie ŭdakładnili: «Spažyviec zakazvaje mižnarodnuju pasyłku pa pracedury ŭvozu tavaru dla asabistaha karystańnia, jakaja idzie z KNR naŭprost na adras spažyŭca, minujučy składy i łahistyčnyja centry na terytoryi Respubliki Biełaruś i Rasijskaj Fiederacyi; markietpłejs daje kitajskamu pradaŭcu mahčymaść raźmiaścić prapanovu na internet-placoŭcy, ale nie prymaje tavar na svaje składy i nie ŭdzielničaje ŭ jaho transparciroŭcy i praviercy jakaści».

Čamu nielha ŭskryvać pasyłku ŭ PVZ

Zakazany ŭ kitajskaha pradaŭca tavar pierasiakaje dziaržaŭnuju miažu i prachodzić mytnaje afarmleńnie jak tavar dla asabistaha karystańnia (mižnarodnaja pasyłka).

Mytnaje zakanadaŭstva, a taksama praviły mižnarodnych paštovych adpraŭleńniaŭ nie praduhledžvajuć uskryćcia i ahladu takoha adpraŭleńnia ŭ PVZ internet-placoŭki.

Uskryćcio ŭpakoŭki ŭ PVZ — heta parušeńnie cełasnaści mižnarodnaha adpraŭleńnia da momantu jaho pieradačy atrymalniku. Heta nie dapuskajecca praviłami pracy z transhraničnymi pasyłkami.

Akramia taho, supracoŭnik PVZ nie źjaŭlajecca pradstaŭnikom kitajskaha pradaŭca i nie nadzieleny paŭnamoctvami prymać rašeńni ab jakaści tavaru, fiksavać niedachopy ci ŭzhadniać viartańnie.

U suviazi z hetym pretenzii adnosna jakaści, kamplektnaści ci adpaviednaści tavaru apisańniu nieabchodna pradjaŭlać kitajskamu pradaŭcu, a nie supracoŭniku PVZ.

A kali pakupka akazałasia z brakam?

Takim čynam, navušniki (i luby inšy tavar) daviadziecca śpiarša apłacić i tolki potym praviarać. I kali paśla ŭskryćcia ŭpakoŭki vyjavicca, što ŭ tavaru jość niedachopy, viarnuć jaho nazad u PVZ niemahčyma. Zamiežny markietpłejs prapanuje adzinuju praceduru viartańnia: adpravić tavar nazad u Kitaj za košt pakupnika.

Hrošy za brakavany tavar viernuć u adpaviednaści z umovami na sajcie markietpłejsa i praviłami krainy pradaŭca.

Dla hetaha nieabchodna aformić zajaŭku na viartańnie, dačakacca ŭzhadnieńnia z kitajskim pradaŭcom i adpravić tavar mižnarodnaj poštaj pa pradstaŭlenych kitajskim pradaŭcom rekvizitach.

Viartańnie hrošaj mahčymaje tolki paśla taho, jak kitajski pradaviec atrymaje tavar i pravieryć jaho jakaść. Kali niedachopy paćvierdziacca, vydatki na pierasyłku pavinien kampiensavać pradaviec. Na viartańnie hrošaj jość 10 dzion z momantu atrymańnia tavaru, havorycca ŭ paviedamleńni MARH.

— U vypadku ŭźniknieńnia sprečki z zamiežnym pradaŭcom abo ŭładalnikam internet-placoŭki biełarusy majuć prava źviarnucca ŭ kampietentnyja orhany pa abaronie pravoŭ spažyŭcoŭ adpaviednaj dziaržavy, naprykład u Rasspažyŭnahlad abo anałahičnyja orhany KNR.

Kamientary

Ciapier čytajuć

Ci pahražaje Krymu błakada praz paralizavany Krymski most?16

Ci pahražaje Krymu błakada praz paralizavany Krymski most?

Usie naviny →
Usie naviny

«U ciabie apošni dzień». Biełaruski ajcišnik pierabraŭsia na Filipiny, a tam usio žorstka13

«Nastaŭ čas krychu adstupić». Sabalenka raskazała, što zastavałasia za kadram jaje niaŭdałaha siezona4

Izrail zahruziŭ miljony fotazdymkaŭ u sistemu raspaznavańnia tvaraŭ Amazon, kab sačyć za paleścincami7

U MUS raskazali, kolki pracoŭnych mihrantaŭ pryjechała ŭ Biełaruś i kolki złačynstvaŭ jany ździejśnili1

Jak u kino. U centry Hrodna 19‑hadovy chłopiec z adnaho ŭdaru pavaliŭ słup13

Śviet na parozie finansavaha abvału, jašče bolš ahresiŭny Tramp i niebiaśpieka dla Tajvania. The Economist daŭ prahnoz na 2027 hod13

Žančynie, jakaja arhanizavała ŭ Minsku niezaležnuju kulturnuju prastoru, dali piać hadoŭ kałonii18

Samaja tannaja kvatera — 222 tysiačy rubloŭ. MAPID prapanavaŭ kvatery ŭ «Soniečnym» dla ŭsich achvotnych6

46‑hadovaha minskaha psichołaha i biznes-treniera pasadzili pa palityčnaj spravie2

bolš čytanych navin
bolš łajkanych navin

Ci pahražaje Krymu błakada praz paralizavany Krymski most?16

Ci pahražaje Krymu błakada praz paralizavany Krymski most?

Hałoŭnaje
Usie naviny →

Zaŭvaha:

 

 

 

 

Zakryć Paviedamić