Za pieršyja dziesiać miesiacaŭ 2026 hoda vałavy ŭnutrany pradukt Biełarusi siońniašnimi cenami skłaŭ 269,9 miljarda rubloŭ. U supastaŭnych cenach ekanomika vyrasła na 2,1% u paraŭnańni z anałahičnym pieryjadam 2025 hoda. Takija źviestki apublikavaŭ Biełstat.

Rost biełaruskaj ekanomiki krychu paskoryŭsia. Na praciahu dvuch papiarednich miesiacaŭ jon trymaŭsia na ŭzroŭni 2%, a za siem miesiacaŭ taksama składaŭ 2,1%. Ciapier, pavodle Biełstata, temp rostu VUP dasiahnuŭ najvyšejšaha značeńnia za biahučy hod.
Indeks-deflatar VUP za studzień — kastryčnik 2026 hoda ŭ paraŭnańni z tym ža pieryjadam minułaha hoda skłaŭ 111,8%.
Siarod asnoŭnych faktaraŭ rostu biełaruskaj ekanomiki analityki Jeŭrazijskaha banka raźvićcia nazyvali handal i transpartnyja pasłuhi.
Raniej Mižnarodny valutny fond palepšyŭ prahnoz rostu biełaruskaj ekanomiki na 2026 hod da 1,9%. Jeŭrazijski fond stabilizacyi i raźvićcia pavysiŭ svaju acenku z 1,3% da 2%.
Pry hetym ustanoŭleny ŭradam metavy pakazčyk na 2026 hod praduhledžvaje rost VUP na 2,8%.
Kamientary