Navuka i technałohii33

Google zrabiła staŭku na technałohiju, jakaja dla zdabyčy elektryčnaści vyparvaje hornyja parody

Amierykanski startap raspracavaŭ sposab bureńnia hłybokich śvidravin z dapamohaj hihanckaj «mikrachvaloŭki». Google hatovaja zapłacić bolš za paŭmiljarda dalaraŭ za elektryčnaść, atrymanuju dziakujučy hetaj technałohii. Z padrabiaznaściami znajomić The Wall Street Journal.

Hieatermalnaja elektrastancyja Project Obsidian u centralnaj častcy štata Arehon, ZŠA. Vyjava: quaise.com

Raźvićcio štučnaha intelektu i budaŭnictva novych data-centraŭ patrabujuć usio bolš elektryčnaści. Kab zabiaśpiečyć ich pracu, Google razhladaje roznyja enierhietyčnyja technałohii, u tym liku jadziernuju i hieatermalnuju enierhietyku.

Apošniaja dazvalaje atrymlivać elektryčnaść ź ciapła ziamnych nietraŭ. U adroźnieńnie ad soniečnych i vietravych elektrastancyj, hieatermalnyja mohuć pracavać kruhłasutačna. Ale jość składanaść: hornyja parody, nahretyja da niekalkich sotniaŭ hradusaŭ, zalahajuć na hłybini niekalki kiłamietraŭ, dzie zvyčajnaje bureńnie stanovicca asabliva ciažkim.

Amierykanski startap Quaise Energy prapanuje niezvyčajny sposab pieraadoleć hetuju pieraškodu — vykarystoŭvać dla bureńnia mahutnyja elektramahnitnyja chvali.

Jak śvidravać z dapamohaj «mikrachvaloŭki»

Quaise płanuje dabracca da hornych parod, tempieratura jakich pieravyšaje 300 hradusaŭ Celsija. Dla hetaha kampanija źbirajecca prakłaści śvidraviny hłybinioj amal piać kiłamietraŭ.

Pieršyja čatyry kiłamietry buduć prachodzić zvyčajnym buravym abstalavańniem. Zatym u spravu ŭstupić hiratron — pryłada, jakaja hienieruje mahutnyja elektramahnitnyja chvali. Pa pryncypie dziejańnia jana nahadvaje hihanckuju mikrachvaloŭku.

Zamiest taho kab miechanična razburać parodu, hetyja chvali buduć nahravać jaje da tempieratury vypareńnia. Tak raspracoŭščyki raźličvajuć prajści apošni kiłamietr, dzie zvyčajnaje bureńnie stanovicca asabliva składanym.

Paśla zaviaršeńnia bureńnia ŭ śvidraviny buduć zapampoŭvać vadu. Jana nahrejecca ad haračych parod, a ŭtvoranaja para budzie pryvodzić u ruch turbiny, jakija vypracoŭvajuć elektryčnaść.

Pavodle Quaise Energy, Google zaklučyła ź joj pahadnieńnie na sumu bolš za 500 miljonaŭ dalaraŭ. Kampanija budzie kuplać elektryčnaść z budučaj hieatermalnaj elektrastancyi ŭ štacie Arehon mahutnaściu 50 miehavat. Pieršyja pastaŭki mohuć pačacca ŭžo ŭ 2030 hodzie.

Budaŭnictva elektrastancyi, pavodle acenak Quaise, budzie kaštavać prykładna 350 miljonaŭ dalaraŭ. Kali prajekt realizujuć, jon stanie pieršym u śviecie, dzie elektryčnaść buduć atrymlivać z hornych parod, nahretych bolš čym da 300 hradusaŭ.

Pahadnieńnie z Google stała važnaj padtrymkaj dla Quaise Energy, choć jaje technałohiju jašče nie vyprabavali ŭ kamiercyjnych maštabach i pakul nieviadoma, ci ŭdasca naładzić ź jaje dapamohaj stabilnuju vypracoŭku elektryčnaści.

Kamientary3

  • Žvir
    17.11.2026
    Astudziać planietu i hamon. Ujavicie, što pačniecca pa ŭsich kantynientach praz tuju technałohiju! Hornyja parody (pa-sutnaści cieła planiety) vyparać, ciapło adviaduć u atmasfieru. Pad hetuju spravu vysmakčuć usie akijany...

    Imavierna, što niešta padobnaje ŭčynili marsyjanie, i vynik usim viadomy - ni ciapła, ni vady, ni patrebnaj atmasfiery, ni mahnitnaha pola, ni...marsyjanaŭ tych. Navat bakteryi nie zachavalisia...Dobra jašče, što paśpieli dnk, ad kožnaj tvary pa pary, dy ich hienomy, na Ziamliu pierapravić, na kaŭčehu... Kažuć, što heta tamtejšy astranaŭt Noj paśpieŭ pieravieźci, u apošni momant. Nu, niachaj budzie Noj, jamu było kudy vieźci, a nam, ciapier užo ziamlanam, kudy ? At.
  • aleh
    17.11.2026
    chiernia niejkaja
  • Huhle
    17.11.2026
    Nu, narešcie, dla ŠI ludskaha kuchara znajšli.

Ciapier čytajuć

Ci pahražaje Krymu błakada praz paralizavany Krymski most?14

Ci pahražaje Krymu błakada praz paralizavany Krymski most?

Usie naviny →
Usie naviny

Samaja tannaja kvatera — 222 tysiačy rubloŭ. MAPID prapanavaŭ kvatery ŭ «Soniečnym» dla ŭsich achvotnych5

46‑hadovaha minskaha psichołaha i biznes-treniera pasadzili pa palityčnaj spravie2

Prezident Manholii, jaki try tydni tamu sustrakaŭsia z Łukašenkam, padaŭ u adstaŭku, abvinavačany ŭ karupcyi1

U Hiermanii małady biełarus uščent raskałaciŭ furu ab aŭtadom piensijanieraŭ. Kiroŭcaŭ ratavali z dapamohaj viertalotaŭ

Rasijskija i łukašenkaŭskija ŚMI dahetul nie paviedamili pra rujnavańnie Krymskaha mosta7

Ceny na nieruchomaść pajšli ŭniz. Pryčym nie tolki ŭ Minsku13

U kramach pačali pradavać novuju ekzatyčnuju reč

Amierykanski sudmiedekśpiert: Džefry Epštejn, imavierna, byŭ zabity, a nie pakončyŭ z saboj5

U Kamyšavasie zaviaršyŭsia pošuk cieł. U vyniku rasijskaha ŭdaru tam zahinuli 72 čałavieki

bolš čytanych navin
bolš łajkanych navin

Ci pahražaje Krymu błakada praz paralizavany Krymski most?14

Ci pahražaje Krymu błakada praz paralizavany Krymski most?

Hałoŭnaje
Usie naviny →

Zaŭvaha:

 

 

 

 

Zakryć Paviedamić