Trasu Minsk — Maładziečna pašyrać i abstalujuć barjernaj aharodžaj
Raboty na dvuch učastkach darohi R28 Minsk — Maładziečna pravodziacca ŭ miežach dziaržaŭnaj prahramy «Darohi Biełarusi» na 2026—2030 hady. Zaviaršyć ich płanujecca da kanca 2027 hoda, paviedamlaje Mintrans.

Pieršy ŭčastak praciahłaściu 8 km raźmieščany za Ždanovičami, druhi, daŭžynioj 5 km, — kala miemaryjalnaha kompleksu «Linija Stalina». Darohu pašyrać, układuć cemientabietonnaje pakryćcio i ŭstanoviać barjernuju aharodžu.
Jak raskazaŭ hałoŭny inžynier Andrej Suškievič, na abjekcie praduhledžana pakryćcio ź ciažkaha bietonu B35 šyrynioj pa 13 mietraŭ u kožnym napramku.
Na ŭčastku kala «Linii Stalina» dla tranzitnaha transpartu arhanizujuć ruch pa dźvie pałasy ŭ kožny bok.
Cemientabietonnaje pakryćcio bolš ustojlivaje da defarmacyj, čym asfalt, i patrabuje mienš jamačnaha ramontu.
Kamientary