Hramadstva33

«Lik idzie na chviliny, a svajaki pavinny biehać pa vulicy i šukać mužčyn». Ci pavinna chutkaja dapamoha vynosić pacyjenta z kvatery?

U baćki zdaryŭsia insult. Chutkaja pryjechała, a vynieści jaho da mašyny niama kamu — tak pačaŭsia dopis, jaki vyklikaŭ rezanans u sacsietkach. Biełarusy stali raskazvać, jak sami terminova šukali minakoŭ na dapamohu ŭ takich vypadkach. Minski kamitet pa achovie zdaroŭja patłumačyŭ, chto i jak pavinien vyrašać hetuju prablemu, ale nie abyšłosia biez tradycyjnaha «ale». U situacyi raźbiraŭsia Onliner. 

Niadaŭna ŭ sacsietkach razharełasia sprečka: ci pavinny miedyki chutkaj dapamohi vynosić pacyjenta z kvatery, kali jon nie moža pierasoŭvacca samastojna. «U baćki zdaryŭsia insult. Vyklikali chutkuju dapamohu. Miedyki pryjechali, ale ŭźnikła prablema: baćku niama kamu vynieści z doma da mašyny. <…> Lik idzie na chviliny, a svajaki pavinny biehać pa vulicy i šukać mužčyn, jakija dapamohuć danieści chvoraha da mašyny chutkaj dapamohi?!» — napisała karystalnica Threads na imia Julija.

Da abmierkavańnia dałučylisia inšyja biełarusy. Adzin z karystalnikaŭ napisaŭ, što

bryhada chutkaj dapamohi abaviazanaja arhanizavać transparciroŭku pacyjenta z padazreńniem na insult z kvatery ŭ aŭtamabil i što heta «naŭprost zamacavana ŭ instrukcyi Ministerstva achovy zdaroŭja RB». Ale inšy słušna zapiarečyŭ: «A ŭ realnaści pryjazdžajuć dźvie dziaŭčyny — i što rabić?»

Paźniej Kamitet pa achovie zdaroŭja Minharvykankama apublikavaŭ u sacsietkach instrukcyju pra toje, jak pavinny dziejničać miedyki pry transparciroŭcy pacyjenta ŭ balnicu.

«Biehała pa vulicy i šukała minakoŭ»

Halinka z abmierkavańniem transparciroŭki pacyjentaŭ u balnicu bryhadami chutkaj dapamohi nabrała bolš za 100 tysiač prahladaŭ.

«Svajaki nie abaviazanyja šukać hruzčykaŭ za hrošy. Patrabavać ad siamji samastojna šukać susiedziaŭ, płacić hruzčykam abo spuskać čałavieka ź insultam na koŭdry svaimi siłami miedyki nie majuć prava», — napisała adna z karystalnic.

Joj tut ža zapiarečyli: «Arhanizavać. Voś jana i arhanizuje, adpraŭlajučy svajakoŭ na pošuki, u toj čas jak sama zajmajecca akazańniem dapamohi».

«U Biełarusi niekalki razoŭ, kab pahruzić baćku ŭ chutkuju, ja biehała pa vulicy i prasiła minakoŭ dapamahčy. Za horadam heta asabliva prablematyčna — adnojčy navat daviałosia spynić kiroŭcu hruzavika. Nieśli ja, siadziełka, toj, kaho ŭdałosia znajści, i kiroŭca chutkaj», — padzialiłasia asabistym dośviedam inšaja ŭdzielnica abmierkavańnia.

Kamitet pa achovie zdaroŭja: «Bryhada chutkaj dapamohi niaredka składajecca ź dźviuch žančyn-miedykaŭ i kiroŭcy»

U Kamitecie pa achovie zdaroŭja Minharvykankama patłumačyli:

daktary i fielčary abaviazanyja arhanizavać transparciroŭku pacyjenta z ulikam ciažkaści jaho stanu. Kali čałaviek asłableny, adčuvaje mocny bol abo nie moža iści samastojna, jaho pieramiaščajuć z kvatery ŭ aŭtamabil chutkaj dapamohi, a zatym u pryjomnaje adździaleńnie balnicy na nasiłkach, śpiecyjalnym ščycie abo kreśle-katałcy.

U viedamstvie adznačajuć, što na praktycy spusk pacyjenta z paviercha časta ŭskładnieny: u padjezdach byvaje mała miesca, niama hruzavych liftaŭ, a bryhada chutkaj dapamohi niaredka składajecca z dvuch miedykaŭ — časta žančyn — i kiroŭcy.

Pry hetym adzin ź miedrabotnikaŭ padčas pieranoski pavinien bieśpierapynna sačyć za stanam pacyjenta, kantralavać jaho dychańnie, puls i pracu padklučanaj aparatury, a nie prosta nieści nasiłki, padkreślivajuć śpiecyjalisty.

Akramia taho, mahčymaść pryciahvać da pieranoski inšych ludziej zamacavanaja zakonam. Zhodna z artykułam 63 Zakona Respubliki Biełaruś «Ab achovie zdaroŭja», fizičnyja asoby abaviazanyja sadziejničać miedrabotnikam pry akazańni miedycynskaj dapamohi.

Na praktycy heta aznačaje, što doktar abo fielčar maje prava paprasić dapamahčy ź pieranoskaj svajakoŭ, susiedziaŭ abo minakoŭ, kali jany znachodziacca pobač.

Kali pamočnikaŭ pablizu niama abo pacyjent zanadta ciažki — naprykład, važyć bolš za 150 kiłahramaŭ, — miedyki vyklikajuć dadatkovuju bryhadu abo supracoŭnikaŭ MNS, kab nie padviarhać jaho zdaroŭje niebiaśpiecy.

«Prafiesijanalizm bryhady zaklučajecca ŭ tym, kab piśmienna skaardynavać hety praces, maralna padtrymać pacyjenta i zabiaśpiečyć jamu kamfort u sałonie aŭtamabila. Ale ŭ samuju ŭraźlivuju dla čałavieka chvilinu biaśpieka i chutkaść dastaŭki ŭ balnicu naŭprost zaležać ad našaha ahulnaha ŭdziełu i hatoŭnaści svoječasova praciahnuć ruku dapamohi», — adznačyli ŭ viedamstvie.

Kamientary3

  • 1
    18.11.2026
    Kolki ú dzień adna chutkaja dapamoha vyjazdžaje na 2młn Miensk?
    A kožnaha vynosić ( z roznaj vahoj) z kvater u daktaroú ruki advalacca prosta
  • Jak?
    18.11.2026
    A jak dźvie 25-hadovyja lekarki mohuć padniać i vynieści 150-kiłahramovaha mužyka? Heta fizična niemahčyma.
  • Mamakoli
    18.11.2026
    Uviała by abielskaja dadatkovy štat hruzčykaú u chutkuju kab vynosić chvorych, 2 čałavieki ú ekipaž

Ciapier čytajuć

Stvaralnica Belaruskicry upieršyniu paśla doŭhaj paŭzy raskazała, što ciapier z brendam paśla pryznańnia jaho ekstremisckim

Stvaralnica Belaruskicry upieršyniu paśla doŭhaj paŭzy raskazała, što ciapier z brendam paśla pryznańnia jaho ekstremisckim

Usie naviny →
Usie naviny

Palčys adkazaŭ na pretenziju — «čamu narod vadzili pa praśpiektach» u 2020‑m60

Cichanoŭski z Karač zhienieravali 50‑staronkavy «manitorynh» dziejnaści «Našaj Nivy». Što ź im nie tak?43

Fond Tałaja, što vinavaciać u rusifikacyi ŭkrainskich dziaciej, stvaraje centr pad Barysavam3

U Hrodzienskim zaaparku naradziłasia dziciania mini-alenia — jaho vyratavała kaza3

Suzasnavalnik Telegram Mikałaj Duraŭ upieršyniu ažaniŭsia. Jaho žonka moža być źviazanaja z rasijskimi śpiecsłužbami18

«Pracavaŭ u dalnaboi bolš za 20 hadoŭ». Što viadoma pra zahinułaha ŭ strašnym DTZ u subotu pad Starymi Darohami kiroŭcu hruzavika?2

Pamierła partyzanka Kłaŭdzija Siarhiejeva. Joj było 98 hadoŭ4

U Minsku zapuściać palicejskija drony z Dubaja, jakija sami, biez apierataraŭ, vylatajuć z boksaŭ VIDEA3

«Try šerahi źnikli za dolu siekundy». Biełarusy znoŭ nie mohuć patrapić na navahodnija šou ŭ cyrku

bolš čytanych navin
bolš łajkanych navin

Stvaralnica Belaruskicry upieršyniu paśla doŭhaj paŭzy raskazała, što ciapier z brendam paśla pryznańnia jaho ekstremisckim

Stvaralnica Belaruskicry upieršyniu paśla doŭhaj paŭzy raskazała, što ciapier z brendam paśla pryznańnia jaho ekstremisckim

Hałoŭnaje
Usie naviny →

Zaŭvaha:

 

 

 

 

Zakryć Paviedamić