U Rasii zajavili, što ŭdzieł Jeŭropy ŭ pieramovach pa Ukrainie ź imi nie ŭzhadniaŭsia. Choć Uitkaf i Kušnier śćviardžali advarotnaje
Pamočnik Uładzimira Pucina Juryj Ušakoŭ zajaviŭ, što ŭdzieł pradstaŭnikoŭ Jeŭrapiejskaha sajuza ŭ trochbakovych pieramovach ab zakančeńni rasijska-ŭkrainskaj vajny z Rasijaj nie ŭzhadniaŭsia. Pra heta jon skazaŭ 16 listapada ŭ razmovie z žurnalistami, adkazvajučy na pytańnie, ci buduć jeŭrapiejcy ŭdzielničać u nastupnym raŭndzie pieramoŭ.

«Chtości havoryć pra pašyreńnie farmatu, ale z nami heta nie ŭzhadniałasia», — zajaviŭ Ušakoŭ.
Pavodle jaho, moža adbycca jašče nie adzin raŭnd trochbakovych pieramoŭ. Pytańnie ab dałučeńni jeŭrapiejcaŭ, na dumku pamočnika kiraŭnika Kramla, moža paŭstać paśla taho, jak Rasija atrymaje ad ich vyrazny sihnał nakont taho, čaho jany chočuć i jakija kanstruktyŭnyja prapanovy mohuć zrabić dla paśpiachovaha ŭrehulavańnia situacyi va Ukrainie.
Pierad tym ab nibyta dasiahnutaj z rasijanami damoŭlenaści adnosna nastupnaha ŭdziełu jeŭrapiejcaŭ zapeŭnivali pradstaŭniki Donalda Trampa Styŭ Uitkaf i Džared Kušnier.
12 listapada, adrazu paśla sustrečy z Uładzimiram Pucinym u Maskvie, Styŭ Uitkaf zajaviŭ žurnalistam, što da nastupnaj sustrečy dałučacca jeŭrapiejcy. Ź jahonych słoŭ, heta važna, bo jeŭrapiejskija krainy źjaŭlajucca partniorami ZŠA i pavinny ŭdzielničać u pieramovach.
13 listapada, paśla sustrečy z Uładzimiram Zialenskim, Džared Kušnier napisaŭ u sacyjalnaj sietcy X, što bakam udałosia dasiahnuć istotnaha prahresu ŭ razumieńni ŭzajemnych intaresaŭ, vyznačeńni mahčymych rašeńniaŭ i dalejšych krokaŭ. Jon taksama paviedamiŭ, što abodva baki pahadzilisia pašyryć skład udzielnikaŭ pieramoŭ na nastupnym raŭndzie, dałučyŭšy da ich jeŭrapiejskich partnioraŭ.
Zychodziačy z hetaj infarmacyi 13 listapada, na niefarmalnym samicie ES u Dublinie jeŭrapiejskija lidary ŭzhadnili skład svajoj pieramoŭnaj kamandy. U jaje pavinny ŭvajści pradstaŭniki piaci krain — Hiermanii, Francyi, Vialikabrytanii, Italii i Polščy, a taksama Jeŭrakamisii i Jeŭrapiejskaj rady.
U Kramli prakamientavali vyniki sustrečy z amierykanskimi pieramoŭnikami
Uitkaf: Na sustrečy ŭkrainskaj i jeŭrapiejskaj delehacyj abmiarkoŭvałasia pytańnie harantyj biaśpieki Ukrainy
Maskva zhadziłasia na ŭdzieł Jeŭropy ŭ pieramovach pa Ukrainie
Nastupny raŭnd pieramoŭ pa Ukrainie maje prajści na nastupnym tydni
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary