Бронзавая фігура Сьвятога Айца вышынёй у 2,5 метра паўстала ля касьцёлу Сьвятога Язэпа на ўезьдзе ў Валожын.
 |
У суботу 7 ліпеня 2007 г. у парафіяльным касцёле ў Валожыне адбылася ўрачыстая святая Імша ў інтэнцыі хутчэйшай беатыфікацыі Слугі Божага Яна Паўла ІІ, пасля якой на прыкасцёльным цвінтары была асвячана фігура — сімвал удзячнасці вернікаў Вялікаму Папу‑славяніну. Урачыстасць асвячэння фігуры ўзначалілі Апостальскі Нунцый у Беларусі арцыбіскуп Марцін Відавіч і Апостальскі Адміністратар Мінска‑Магілёўскай архідыяцэзіі біскуп Антоні Дзям’янка.
У набажэнстве ўзялі ўдзел шмат вернікаў з розных парафій і высокія госці, сярод якіх кс. архімандрыт Сяргей Гаек МІС, Апостальскі візітатар для грэка‑каталікоў у Беларусі, дыпламаты, прадстаўнікі дзяржаўных улад розных узроўняў. Акрамя святароў і вернікаў з суседніх парафій у Валожын прыехалі таксама госці з суседніх дыяцэзій: Гродзенскай і Пінскай. Гамілія, прамоўленая біскупам Антоніем Дзям’янкам, была прысвечана асобе Вялікага Папы Яна Паўла ІІ.
Асвячаная ў Валожыне фігура Святога Айца, вышыня якой 2,5 метры, была выкананы пры фінансавай падтрымцы польскай дыпламатычнай місіі ў Беларусі. Валожынскі фігура — гэта не першая памятка, прысвечаная Яну Паўлу ІІ у Беларусі. Раней скульптурныя выявы Вялікага Папы былі ўсталяваныя ў Мосары і ў Ракаве.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект1
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары