З «Нашай Нівай» — у Новы год! Падпісвайце «НН» на 2014 не ўстаючы з-за камп’ютара!

Памятайце, што ў канчатковым рахунку ад Вас залежыць лёс газеты. Нават і сайт па-ранейшаму залежыць ад грошай, якія мы зарабляем з продажаў папяровай газеты. Таму абавязкова падпішыцеся на першае паўгоддзе 2014 года. А таксама падпішыце бацькоў, сваякоў, суседзяў. «Наша Ніва» — гэта магчымасць дакрануцца да беларускага. Зберажыце гэтую магчымасць.

Нядаўна «Наша Ніва» ўвайшла ў Адзіную інфармацыйна-разліковую прастору (АРІП). Гэта адкрывае просты шлях для падпіскі на газету. Не трэба хадзіць на пошту ці ў банк, стаяць у чарзе. Аплаціць дастаўку «НН» цяпер можна проста праз банкамат, здымаючы грошы з карткі.

Аднак спачатку трэба запоўніць форму электроннай падпіскі, змешчаную на сайце. Яе гузік стаіць у правай калонцы сайта зверху. Як гэта зрабіць без памылак — глядзім.

Адзіная прыкрасць — пакуль АРІП можна запаўняць толькі па-расейску. З часам у ім з'явіцца і опцыя беларускай мовы, як гэта адбылося і з электронным парталам чыгункі.

ПЕРШЫ КРОК

1.

Пастаўце птушачкі ў ячэйках пад тымі месяцамі, на якія хочаце аформіць падпіску.

У полі «папярэдні кошт падпіскі» з’явіцца сума, якую будзе неабходна аплаціць за абраны перыяд.

2.

Прозвішча, імя і імя па бацьку можна пісаць цалкам альбо пазначыць прозвішча і ініцыялы.

3.

Абавязкова напішыце свой кантактны нумар тэлефона, каб наш супрацоўнік мог звязацца з Вамі ў выпадку неабходнасці. Звярніце ўвагу, як трэба пазначаць нумар тэлефона: +375(ХХ)ХХХХХХХ

Радкі «e-mail» і «паштовы індэкс» пажаданыя для запаўнення, але не з’яўляюцца абавязковымі.

4.

Запаўняючы радок «населены пункт, раён, вобласць» увядзіце тып населенага пункта па-расейску, напрыклад «г.» (калі горад), «д.» (калі вёска) і г.д. Праграма прапануе спіс, з якога можна выбраць аналагічны прапанаваны варыянт. Потым увядзіце назву населенага пункта. (Прыкрасць, але трэба ўводзіць па-расейску, бел. мову АРІП пакуль не распазнае.)

Калі праграма адразу прапануе правільны варыянт — выбірайце яго з выпадаючага спіса, калі не — самастойна ўвядзіце назву горада, пастаўце коску, прабел і ўвядзіце назву раёна, коска, прабел і назву вобласці. У выніку праграма мусіць паказаць Вам у выпадаючым акне аналагічны адрас. Выберыце яго.

5.

Такім самым чынам запаўняецца поле «вуліца, дом, кватэра». Корпус, калі ён ёсць, пазначайце праз «/» адразу з нумарам дома.

6.

Запоўніўшы гэтыя радкі, цісніце на кнопку пераходу да наступнага кроку.

ДРУГІ КРОК

Павялічыць

Адразу праверце правільнасць пазначанай інфармацыі (індэкс, перыяд падпіскі, адрас, прозвішча, кантактны нумар тэлефона). Калі дзесьці памыліліся, можна вярнуцца на папярэднюю старонку і выправіць.

7.

Пастаўце птушачку насупраць «З умовамі ажыццяўлення падпіскі азнаёмлены і згодны».

8.

Націсніце гузік «Сфарміроваць рахунак на аплату»

ТРЭЦІ КРОК

Павялічыць

Вы пабачыце чатырохзначную лічбу. Гэта індывідуальны разавы нумар Вашай замовы, які Вам спатрэбіцца падчас аплаты аформленай падпіскі.

Маючы, гэты нумар, можна аплаціць падпіску:

— у любой касе найбліжэйшага банка;

— праз плацежныя тэрміналы, інфакіёскі;

— праз сістэмы інтэрнэт-банкінгу;

— праз банкаматы;

— праз плацежныя сістэмы WebMoney ды EasyPay.

Звярніце ўвагу на дату, да якой неабходна здзейсніць аплату. Калі яе пратэрмінаваць, нумар замовы зробіцца несапраўдным і давядзецца запаўняць форму нанова.

Тут — схемкі электроннай падпіскі ў большым пашырэнні.

Памятайце, што ў канчатковым рахунку ад Вас залежыць лёс газеты. Нават і сайт па-ранейшаму залежыць ад грошай, якія мы зарабляем з продажаў папяровай газеты. Таму абавязкова падпішыцеся на першае паўгоддзе 2014 года. А таксама падпішыце бацькоў, сваякоў, суседзяў. «Наша Ніва» — гэта магчымасць дакрануцца да беларускага. Зберажыце гэтую магчымасць.

* * *

Калі Вы раней атрымлівалі газету праз Рэдакцыю, а цяпер, не запаўняўшы форму электроннай падпіскі, прыйдзеце ў банк заплаціць за атрыманне газеты, ад Вас таксама запатрабуюць сказаць індывідуальны разавы нумар замовы.

У гэтым выпадку папрасіце пра магчымасць пералічыць сродкі накладзеным плацяжом, а не праз АРІП. Скажыце, што Вы раней аплачвалі накладзеным плацяжом. Калі раптам у банку адмовяцца прыняць грошы без індывідуальнага разавага нумара замовы, аплаціць дастаўку «НН» праз Рэдакцыю па-ранейшаму можна ў любым паштовым аддзяленні.

* * *

Па ўсіх пытаннях, звязаных з падпіскай, тэлефануйце: (17) 284-73-29, (29) 804-12-31 (МТС), (29) 356-98-29 (Вэлком). Таксама звяртайцеся на e-mail: [email protected] ці на скайп dastauka.

• 0
• 0
• 0
• 0
• 0
• 0
• 0
• 0