Пад Мінскам загінулі чатыры маскоўскія чыноўнікі 4

Аварыя адбылася каля 2 гадзін ночы паблізу вёскі Заручча на 431-м км трасы М-1 (Брэст — Мінск — мяжа Расіі). Кіроўца «Рэно Дастер» не справіўся з кіраваннем і ўрэзаўся ў аўтафуру «ДАФ», што стаяла на ўзбочыне. Разам з кіроўцам у «Рэно» знаходзіліся 3 пасажыры. І яны, і кіроўца загінулі на месцы. Ад моцнага ўдару «Рэно» ператварылася ў груду металу. Кіроўца фуры не пацярпеў.

Ратавальнікаў выклікалі відавочцы, аднак работнікі МНС ужо не маглі выратаваць людзей. Пры дапамозе гідраўлікі яны толькі дасталі целы загінулых.

Ва Упраўленні Следчага камітэта па Мінскай вобласці паведамілі, што па факце ДТЗ ўжо заведзена крымінальная справа па ч.3 арт.317 Крымінальнага кодэкса Беларусі. «Рэно» было з расійскімі нумарамі і загінулыя — грамадзяне Расіі. Пазней стала вядома, што гэта высокапастаўленыя чыноўнікі з Масквы.

Паводле БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ