У Беларусі ўстаноўлены мінімальныя спажывецкія бюджэты для розных сацыяльна-дэмаграфічных груп у сярэднім на душу насельніцтва і на аднаго члена сям'і рознага складу ў сярэдніх цэнах верасня 2013 у разліку на месяц на перыяд з 1 лістапада 2013 па 31 студзеня 2014, паведамляе БелаПАН.
Адпаведная пастанова № 103 прынята Міністэрствам працы і сацыяльнай абароны 18 кастрычніка 2013 года, паведамілі ў Нацыянальным цэнтры прававой інфармацыі.
Мінімальныя спажывецкія бюджэты ўстаноўлены, у прыватнасці, для працаздольнага насельніцтва — у памеры 2.123.190 рублёў, пенсіянераў — 1.648.500 рублёў, студэнтаў — 1.626.720 рублёў, дзяцей ва ўзросце да трох гадоў — 1.294.550 рублёў, дзяцей ва ўзросце ад трох да шасці гадоў — 1.565.210 рублёў, дзяцей ва ўзросце ад шасці да 18 гадоў — 1.844.620 рублёў, сям'і з чатырох чалавек — 1.659.400 рублёў, маладой сям'і з трох чалавек — 1.762.670 рублёў.
Як зазначылі ў міністэрстве, законам «Аб фарміраванні і выкарыстанні мінімальнага спажывецкага бюджэту» ўстаноўлена прававая аснова вызначэння і выкарыстання мінімальнага спажывецкага бюджэту (МСБ).
МСБ уяўляе сабой расходы на набыццё набору спажывецкіх тавараў і паслуг для задавальнення асноўных фізіялагічных і сацыяльна-культурных патрэб чалавека.
Мінімальныя спажывецкія бюджэты зацвярджаюцца паквартальна пастановай Мінпрацы і сацабароны ў мэтах апошняга месяца квартала для васьмі сацыяльна-дэмаграфічных груп насельніцтва.
Мінімальны спажывецкі бюджэт прымяняецца як сацыяльны нарматыў для прагназавання зменаў узроўню жыцця насельніцтва і ўзмацнення сацыяльнай падтрымкі грамадзян, якія маюць у гэтым патрэбу.
Зараз сярэднедушавы МСБ сям'і з чатырох чалавек служыць асновай для вызначэння права грамадзян на атрыманне льготных крэдытаў і субсідый на будаўніцтва (рэканструкцыю) ці набыццё жылых памяшканняў; права грамадзян, якія пастаянна пражываюць і працуюць у населеных пунктах з колькасці насельніцтва да 20 тыс. чалавек, на атрыманне льготных крэдытаў на капітальны рамонт і рэканструкцыю жылых памяшканняў, будаўніцтва інжынерных сетак, узвядзенне гаспадарчых памяшканняў і пабудоў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары