Кітай знайшоў буйную крыніцу экалагічных энэргарэсурсаў
У выніку двухгадовай разведкі на тэрыторыі павета Гунхэ правінцыі Цінхай (Паўночна-Заходні Кітай) нарэшце выяўлены рэсурсы для выпрацоўкі энергіі па прынцыпе выкарыстання сухіх гарачых парод (Hot- Dry-Rock) на глыбіні 2230 м пад паверхняй зямлі. Такім чынам, у Кітаі ўпершыню выяўлены рэсурсы такога віду геатэрмальнай энергіі, прыдатныя для маштабнага асваення і выкарыстання.
Як вядома, сухія гарачыя пароды з'яўляюцца бязводнымі гарачымі прыроднымі масівамі, якія звычайна залягаюць на глыбіні ніжэй за 3000—10000 м. Такія пароды маюць тэмпературу 150—650 градусаў і лічацца экалагічна чыстымі рэсурсамі, прыдатнымі для выпрацоўкі электрычнасці.
«Тэхналогіі выпрацоўкі электраэнергіі з выкарыстаннем сухіх гарачых парод дазваляюць значна паменшыць уздзеянне парніковага эфекту і кіслотных дажджоў на навакольнае асяроддзе, больш за тое, такія тэхналогіі не падвяргаюцца абмежаванню сезонаў і клімату. А сабекошт выпрацоўкі электрычнасці з выкарыстаннем такіх парод ацэньваецца ў два разы танней, чым з выкарыстаннем ветравой энергіі, і ў дзесяць разоў таннейшы, чым з выкарыстаннем сонечнай энергіі», — паведаміў дырэктар Цінхайскага правінцыйнага навукова-даследчага інстытута гідрагеалагічнай інжынерыі і геолагаразведкі Янь Вэйдэ.
Пад кіраўніцтвам Упраўлення геалагічнай разведкі КНР і Цінхайскага правінцыйнага ўпраўлення зямельных і прыродных рэсурсаў адпаведныя навуковыя ўстановы правінцыі Цінхай прыступілі да пошуку сухіх гарачых парод у цэнтральнай і паўночнай частках западзіны на тэрыторыі павета Гунхэ ў 2011 годзе, праз два гады пачалося практычнае свідраванне. Калі зандзіраванне дайшло да глыбіні 2230 м, былі здабытыя сухія пароды з тэмпературай 153 градусы, прычым тэмпература парод бесперапынна павышалася па меры павелічэння глыбіні свідравання, і ў сярэднім павышаецца на 6,8 градуса пры павелічэнні глыбіні на 100 м.
«Свідраванне даказала шырокасць размяшчэння сухіх гарачых парод пад зямлёй, іх плошча ўжо дасягае 150 кв. км, таму запасы такіх парод ацэньваюцца як вельмі вялікія», — далей паведаміў Янь Вэйдэ.
Да цяперашняга часу асноўныя прынцыпы і тэхналогіі выпрацоўкі электраэнергіі з выкарыстаннем сухіх гарачых парод ўжо асвоены ў такіх краінах, як ЗША, Японія і Швецыя. Паводле ацэнкі, агульныя запасы сухіх гарачых парод у мацерыковым Кітаі на глыбіні ад 3000 да 10000 м пад зямлёй раўняюцца 860 трлн тон умоўнага паліва, што ў 260 тыс. разоў больш за цяперашняе сукупнае спажыванне энергіі ў Кітаі.
Выяўленне гэтага віду геатэрмальнай энергіі мае важнае значэнне для паляпшэння энергетычнай структуры і эканамічнага развіцця нашай краіны, адзначыў начальнік Упраўлення разведкі і асваення геалагічных рэсурсаў і выкапняў правінцыі Цінхай У Цінсян.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай6
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3333
Каментары