Падаражэюць паслугі тэлефоннай сувязі: абанплата — на 20%, міжгорад — на 12%
Паслугі тэлефоннай сувязі падаражэюць ў Беларусі з 1 жніўня.
Гэта прадугледжана пастановай Міністэрства эканомікі № 52 ад 16 ліпеня 2014 г., якая апублікавана на Нацыянальным прававым інтэрнэт-партале, паведамляе БелТА.
Згодна з дакументам, абаненцкая плата для насельніцтва вырасце прыкладна на 20%.
У прыватнасці, карыстальнікі індывідуальных нумароў штомесяц павінны будуць плаціць Br14.750 (цяпер — Br12.250).
Таксама з 1 жніўня міжгародныя званкі будуць каштаваць на 12,1% больш — Br81,4 за хвіліну.
Таксама пастановай павялічаныя кошты паслуг электрасувязі агульнага карыстання для юрыдычных асоб і індывідуальных прадпрымальнікаў.
Каментары