Эксперт: У Расіі ідзе замена задарагой беларускай малочнай прадукцыі на новазеландскую, бельгійскую, французскую, літоўскую, латвійскую
«Мы ўнеслі ў Мінсельгасхарч і ва ўрад прапанову аб адмене дзеяння рэкамендаваных цэн у дачыненні да біржавых таргоў.
Мы лічым, што вытворца сам павінен адсочваць рынак і прызначаць цану на свой тавар», — заявіў на прэс-канферэнцыі 31 ліпеня ў Мінску начальнік аддзела метадалогіі і перспектыўнага развіцця ААТ «Беларуская ўніверсальная таварная біржа» Сяргей Майсейчык.
«Ёсць элемент, які перашкаджае біржавому гандлю малочнай прадукцыяй. Застаўся з дабіржавых часоў такі рудымент, як вызначэнне Мінсельгасхарчам рэкамендаваных цэн, і зразумела, усё на гэта арыентуюцца. Гэтыя цэны адстаюць ад рэальных рыначных цэн», — сказаў Майсейчык.
Паводле яго меркавання, праблем з арганізацыяй біржавага гандлю сельгаспрадукцыяй няма.
«Ёсць праблема з жаданнем вытворцаў гандляваць у адкрытую.
Раней на біржы мільёнамі долараў вылічалася выручка нашых вытворцаў, таргі праводзіліся амаль штодня. Біржа шмат зрабіла для фарміравання пула пакупнікоў, найперш у Расіі. Але цяпер нашых перапрацоўшчыкаў малака не зусім задавальняюць нашы празрыстыя схемы, хоць эканамічны эфект ад біржавых таргоў відавочны», — адзначыў Майсейчык.
На сусветным рынку цана на сухое абястлушчанае малако значна ніжэйшая, чым у Расіі.
Пра гэта распавёў намеснік начальніка інфармацыйна-аналітычнага ўпраўлення — начальнік аддзела маркетынгу і аналітыкі БУТБ Віталь Анціпаў. «У гэтым плане разбалаваныя блізкасцю Расіі экспарцёры закінулі далёкія рынкі і сканцэнтраваліся на пастаўках у РФ. У 2008 годзе Мінсельгасхарч пачаў рэгуляваць цэны.
Пры падзенні цэн на сусветным рынку Беларусь чакала больш высокія цэны і стварыла запасы. Потым была прынята прапанова аб рэалізацыі па заніжаных цэнах. Гэта, магчыма, і выклікала так званыя малочныя войны.
Зараз у Расіі ідзе замена беларускай прадукцыі на новазеландскую, бельгійскую, французскую, літоўскую, латвійскую. І гэта прадукцыя таннейшая за беларускую», — адзначыў прадстаўнік БУТБ.
«Мы выйшлі з прапановай у Саўмін, што настаў час спыняць анархію на рынку і прывесці ўсё да цывілізаванага рынку, пры якім прадукцыя, якая датуецца дзяржавай, павінна прадавацца поўнасцю празрыста», — сказаў Анціпаў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары