Людзі на Зямлі рабілі здымкі саміх сябе да таго, як гэта стала мэйнстрымам. А па-за Зямлёй першае сэлфі зрабіў славуты астранаўт Баз Олдрын у 1966 годзе.
Пра першае касмічнае сэлфі Эдвін «Баз» Олдрын распавядаў у эфіры CNN. Ён робіць звыклы сёння рух рукой. «Клік — гатова. Навошта я зрабіў гэта? Не ведаю. Было цікава, як я выглядаю», — згадвае ён.
Олдрын зрабіў здымак падчас свайго першага выхаду ў адкрыты космас у межах місіі «Джэміні-12». Падчас яе ён стаў першым чалавекам, які тройчы выходзіў у адкрыты космас.
Праз два гады Олдрын быў прызначаны пілотам карабля «Апалон-11» і стаў другім пасля Ніла Армстранга чалавекам, хто пакінуў след на паверхні Месяца. Менавіта здымак следу Олдрына стаў пазней адным з сімвалаў засваення космасу.
Пасля зыходу з NASA ў 1971 годзе Олдрын упаў у дэпрэсію і пачаў піць, але вярнуўся да нармальнага жыцця, калі ў трэці раз ажаніўся. Пасля працы ў касмічным агенцтве Олдрын займаўся ў тым ліку прапагандай засваення космасу, прапанаваў праект арбітальных гатэляў Cycler, крытыкаваў NASA за недастаткова амбіцыёзныя планы засваення космасу. На абвінавачанні прыхільніка тэорыі змоў у тым, што чалавецтва не высаджвалася на Месяцы, 72-гадовы Олдрын адказаў добрым хукам па сківіцы. Не спрабуйце называць База «трусам і хлусам»!
Цяпер чытаюць
«Я думаў, мяне не можа нічога здзівіць». На фудкорце ў мінскім ГЦ зрабілі платныя сталы3
Каментары