Робата навучылі хадзіць з пераламанымі нагамі ВІДЭА
І не проста працягваць дзейнасць з траўмай, а абіраць найлепшы алгарытм паводзін.
Інжынеры прадставілі ў часопісе Nature робата, здольнага адаптавацца да траўмаў — павукападобны механізм зможа зразумець, як яму хадзіць з некалькімі зламанымі канечнасцямі і як перасоўваць рэчы пераламаным маніпулятарам.
Алгарытм рэакцыі на канкрэтныя траўмы не зададзены загадзя — робат абірае шэраг мадэлей руху і эксперыментальным шляхам знаходзіць найлепшую.
На стварэнне такой рэакцыі на траўмы інжынераў натхнілі жывыя істоты: пры траўме яны не вучацца хадзіць «з нуля», а інтуітыўна падбіраюць мадэлі руху і затым эксперыментуюць, каб абраць найлепшую.
Так і робат без знешняй дапамогі ацэньвае даступную яму інфармацыю пра пашкоджанні і правярае розныя магчымасці працягваць дзейнасць. Калі не атрымаецца хадзіць на пярэдніх лапах — паспрабуе хадзіць на задніх.
Навыкі самастойнай адаптацыі да траўмаў будуць асабліва карыснымі на іншых планетах. Сувязь з марсаходам ідзе з вялікай затрымкай (ад 4 да 22 хвілін) і даступная не ўвесь час (каля 16 з 24 гадзін на дзень). Тым больш чалавек пакуль не мае магчымасці аператыўна злятаць на Марс, каб уласнаруч парамантаваць зламаную ручку Opportunity ці Curiosity.
Цяпер чытаюць
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца7
Каментары