Але вырабляць іх яна не стане.
Фінская кампанія Nokia, чый тэлефонны бізнес быў прададзены Microsoft ў 2013 годзе, абвесціла пра вяртанне да распрацоўкі тэлефонаў. Аб гэтым нямецкаму Manager Magazin распавёў дырэктар кампаніі Раджыў Сурыў.
Nokia зоймецца распрацоўкай дызайну тэлефонаў і продажамі ліцэнзіі на брэнд з 2016 года. Сама Nokia не будзе браць удзелу ў вытворчасці і прамых продажах апаратаў.
На сёння кампанія шукае адпаведных партнёраў.
Nokia, што сёлета адсвяткавала 150-годдзе, доўгі час была лідарам на тэлефонным рынку. У 2011 годзе яна саступіла на рынку смартфонаў Apple і Samsung. Кампанія выпускала смартфоны на аперацыйнай сістэме Symbian, затым на Windows Phone, але яе апараты з цягам часу станавіліся ўсё менш папулярнымі за iPhone і Android-смартфоны.
Некаторыя называюць «забойцам» Nokia яе былога гендырэктара Стывена Элапа (нядаўна звольненага з Microsoft) — ходзяць чуткі аб тым, што менавіта ён прывёў кампанію да продажу тэлефоннага бізнесу карпарацыі Microsoft. Пасля пакупкі Microsoft ліквідавала тэлефонны брэнд Nokia, а сама Nokia засталася без права вырабляць смартфоны да канца 2016 года. У Nokia засталося тэлекамунікацыйнае і картаграфічнае падраздзяленні.
На мабільны рынак Nokia вярнулася з канцы 2014 года з клонам iPad. Увесну 2015 года Nokia абвясціла аб пакупцы за 15 млрд еўра тэлекамунікацыйнай кампаніі Alcatel-Lucent.
Цяпер чытаюць
Адстаўны падпалкоўнік міліцыі адсудзіў кватэру ў сваёй дачкі. Гучная сямейная гісторыя з Брэста9
Каментары