Апублікавана ВІДЭА, як міліцыянт у Мінску валачэ жабрака па сходах за нагу, сцэна выклікала выбух гневу людзей у метро
«Сёння я стаў сведкам бяспраўя і я прашу ў вас дапамогі! Я выйшаў з метро на станцыі Уручча прыкладна а 16:03 і стаў сведкам таго, як міліцыя здзекавалася са сляпога інваліда! — напісаў карыстальнік сацыяльных сетак Кірыл Каўганаў. — Са словаў людзей, якія там жывуць, гэты чалавек амаль кожны дзень сядзіць у метро і ўсе яго ведаюць і дапамагаюць яму, і вось сёння да яго падышлі два міліцыянты і сталі без ніякіх падстаў да яго чапляцца, і ён, не разумеючы, што адбываецца, даў адпор і падрапаў руку міліцыянту (на фота ў чорнай форме) і яны пачалі яго рэзка падымаць і ўжываць супраць яго сілу! Нягледзячы на ўсё абурэнне народа, яны працягвалі яго валачы і далей пры ўсіх спусцілі яго са сходаў і пра гэтым сляпы чалавек стукнуўся галавой аб жалезныя поручы (я прымацаваў урывак з відэа, дзе ўсё відаць, пры патрэбе выкладу поўнае відэа, якое павінна трапіць у адпаведныя органы). Сляпому безабароннаму чалавеку надзелі кайданкі як на злачынцу і паводзілі сябе з ім так, як быццам ён не чалавек, а жывёла! Шмат людзей пагадзіліся адвесці яго дадому, але ў адказ пачулі толькі адмовы. Мы ўсе былі абураныя, а адна дзяўчына нават з плачам прасіла адпусціць яго», — піша Каўганаў.
У сваю чаргу, мінская міліцыя дае іншую версію падзей. «Падчас дастаўлення дадзенага грамадзяніна ў пакой міліцыі ён аказаў супраціў і, паводле папярэдняй інфармацыі, пакусаў двух супрацоўнікаў за рукі. І пры гэтым грамадзяне праявілі, так бы мовіць, чуллівасць і паспрабавалі ўмяшацца ў дзеянні міліцыі. Канфлікт там вычарпаны, і дадзены грамадзянін дастаўлены ў пакой міліцыі для разбору», — расказаў прэс-сакратар ГУУС Аляксандр Ластоўскі.
Прычыненне цялесных пашкоджанняў супрацоўнікам міліцыі, адзначаюць у ГУУС, сумневаў не выклікае.
Пазней Следчы камітэт паведаміў, што жабрак не глуханямы, але выдаваў сябе за глуханямога.
Чытайце таксама:
«Следчы камітэт пра затрыманне жабрака: «Ён хуліган-рэцыдывіст»
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары