На судзе ў расійскім Данецку ўкраінская ваеннаслужачая Надзея Саўчанка цалкам адмовілася прызнаваць сваю віну і паўтарыла, што яе сілай вывезлі з тэрыторыі Украіны ў Расію.
«Я ніколі ў жыцці не страляла па людзях без зброі. Я — салдат, а не забойца», — заявіла Надзея Саўчанка.
Пракуратура абвінавачвае Саўчанка ў датычнасці да забойства двух расейскіх журналістаў у Данбасе летам мінулага года.
У пачатку пасяджэння суда бок абвінавачання ўдакладніў, што лічыць Саўчанка вінаватай у тым, што яна наўмысна навяла агонь артылерыі на мірных грамадзян.
«Наводчыкам артылерыі я ніколі не была. Я — авіятар, а не артылерыст. Гэта вельмі розныя рэчы», — сказала ў адказ Саўчанка.
Украінская лётчыца сцвярджае, што яе выкралі з тэрыторыі Украіны і сілай вывезлі на тэрыторыю Расіі. «У маім выкраданні былі замяшаныя следчыя органы Расіі», — удакладніла яна.
Надзея Саўчанка лічыць крымінальную справу супраць яе сфальшаванай і палітычна матываванай.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы36
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары