У ЗША ва ўзросце 79 гадоў памёр заснавальнік кампаніі Intel Эндру Гроўв, гаворыцца ў афіцыйнай заяве кампаніі.
Intel не ўдакладніла прычыны смерці бізнэсмэна, тым не менш вядома, што ў апошнія гады ён пакутаваў ад хваробы Паркінсана, паведамляе Рэйтэр.
У 1990-я гады Гроўв хварэў на рак прастаты, дапаўняе Асашыэйтэд прэс.
Гроўв заснаваў кампанію ў 1968 годзе і стаў яе першым работнікам.
Яго паспяховая работа спрыяла таму, што працэсары Intel Inside апынуліся больш чым у 80% персанальных камп'ютараў у свеце. Ён працаваў у Intel на працягу 37 гадоў.
Пры Гроўв Intel ў 1971 годзе стварыла свой першы камерцыйны мікрапрацэсар.
У 1997 годзе часопіс Time назваў Гроўва чалавекам года.
Ён таксама з'яўляецца аўтарам некалькіх кніг па менеджменце.
Гроўв нарадзіўся ў 1936 годзе ў Будапешце ў яўрэйскай сям'і. Ён перажыў нацысцкую акупацыю. Пасля ўварвання СССР у Венгрыю Гроўв збег у Аўстрыю, а затым адтуль эміграваў у ЗША.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары