Лідар расейскага мотаклуба заявіў у Хатыні, што Беларусь і Украіна — часткі Расеі.
«Начныя ваўкі» у чарговы раз бяруць Берлін: Залдастанаў і сябры ягонага клубу ладзяць мотапрабег, прымеркаваны Дню Перамогі. Учора яны выехалі з Масквы, сёння ўскладваюць кветкі да савецкіх помнікаў на тэрыторыі нашай краіны.
Падчас візіту ў мемарыяльны комплекс у Хатыні Залдастанаў пашкадаваў пра распад Савецкага Саюзу ў 1991-м ды сказаў, што лічыць Беларусь і Украіну часткамі Расеі.
«Беларусь — гэта Расея, Украіна — гэта Расея», — заявіў ён.
Цяпер байкеры будуць спрабаваць трапіць у Польшчу, якая ўжо абвесціла, што не пусціць удзельнікаў мотапрабегу на сваю тэрыторыю.
Залдастанаў будзе суправаджаць калону байкераў да Берасця, бо праз санкцыі за ўдзел у анексіі Расіяй Крыма і спробе захопу Данбаса ён неўязны ў Еўрасаюз.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары