Пяты тур чэмпіянату Беларусі па футболе пакінуў на вяршыні сэнсацыйны «Віцебск». Праўда, цяпер лідэрства каманды з гораду над Дзьвіной ужо не выглядае выпадковасьцю.
У панядзелак віцябляне ў гасьцях перамаглі менскае «Дынама» – 2:1. Да гэтага «Віцебск» ужо аказваўся мацней за МТЗ-РІПА. Такім чынам, першы іспыт на трываласьць каманда здала.
Ня менш нечаканым выглядае і другое месца турнірнай табліцы, якое забіла за сабой «Смаргонь». Дзякуючы аўтаголу Сяргея Кавальчука «Смаргонь» у гасьцях перамагла «Шахцёр» – 1:0.
У цэнтральным матчы туру МТЗ-РІПА ў цікавай відовішчнай гульні перамог жодзінскае «Тарпэда» – 4:2. Пасьля трох стартавых перамог дзьве паразы запар атрымаў наваполацкі «Нафтан». На гэты раз клюб прайграў дома «Гомелю» – 1:2.
Чэмпіён краіны барысаўскі БАТЭ дома разышоўся мірам з крэпкім навічком эліты мікашэвіцкім «Гранітам» – 1:1.
Астатнія матчы туру прынесьлі наступныя вынікі: «Савіт» – «Нёман» – 3:5, «Дынама» (Берасьце) – «Дарыда» – 2:1, «Лякаматыў» – «Дняпро» – 2:1.
Турнірная табліца пасьля пяці тураў выглядае наступным чынам: «Віцебск» — 13 пунктаў, «Смаргонь» — 10, «Нафтан», БАТЭ, МТЗ-РІПА – па 9, «Дынама» (Менск), «Шахцёр» — па 8, «Тарпэда», «Гомель» – 7, «Граніт», «Лакаматыў» — па 6, «Савіт», «Нёман», «Дынама» (Берасьце) — па 4, «Дняпро» — 3, «Дарыда» — 1.
Найлепшыя бамбардзіры Арцём Канцавой (МТЗ-РІПА) і Мікалай Швыдакоў («Лякаматыў») па 5 галоў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары