Аўстралійскім медыкам удалося істотна скараціць колькасць хворых на СНІД людзей на тэрыторыі сваёй краіны, перадае тэлеканал ABC. Па словах спецыялістаў, такіх вынікаў удалося дасягнуць дзякуючы распрацоўцы і прымяненню спецыяльнага антырэтравіруснага прэпарату.
Прэпарат абараняе людзей з ВІЧ-інфекцыяй ад канчатковай стадыі захворвання — СНІДу. Ужываць яго пачалі ў 1990-х гадах. Таксама на вынік паўплывала высокакласная праца мясцовых дактароў і наладжаная сістэма дыягнаставання ВІЧ.
Калі раней у Аўстраліі ад смяротнай хваробы ў год памірала каля тысячы чалавек, то цяпер гэты паказчык значна зменшыўся. Прафесар Эндру Груліх (Andrew Grulich), кіраўнік аддзялення эпідэміялогіі ВІЧ інстытута Кірбі, распавёў, што цяпер у краіне нават адпала неабходнасць у маніторынгу захворвання на СНІД.
Аўстралійцы, у якіх дыягнаставалі хваробу, проста праходзяць курс лячэння і больш не хварэюць.
СНІД — канчатковая стадыя захворвання, выкліканая ВІЧ-інфекцыяй. ВІЧ аслабляе імунітэт, што пасля і прыводзіць да больш цяжкіх захворванняў.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх10
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары