Складзеныя пратаколы ў дачыненні да 14 удзельнікаў шэсця на Дзень Незалежнасці
Міліцыя склала адміністрацыйныя пратаколы ў дачыненні да 14 удзельнікаў несанкцыянаванага шэсця ў Мінску, якое адбылося 25 жніўня і было прысвечана 25-годдзю ўваходжання ў сілу Дэкларацыі аб дзяржаўным суверэнітэце Беларусі.
«25 жніўня 2016 года ў сталічным парку імя Я.Купалы сабралася група грамадзян, якая калонай прайшла па тратуары да плошчы Незалежнасці. У дачыненні да 14 удзельнікаў несанкцыянаванай акцыі складзены пратаколы аб адміністрацыйных правапарушэннях, прадугледжаных арт. 23.34 КоАП Рэспублікі Беларусь», — гаворыцца ў паведамленні ГУУС Мінгарвыканкама.
Іініцыятарам акцыі выступіла міжнароднае грамадскае аб'яднанне «Малады фронт». Акцыя пачалася з Купалаўскіх чытанняў у скверы імя Янкі Купалы ля помніка народнаму паэту. Затым каля 70 удзельнікаў акцыі прайшлі святочным шэсцем па праспекце Незалежнасці да аднайменнай плошчы.
Калі ўдзельнікі практычна разышліся, пяцёра невядомых маладых людзей у куртках з нацягнутымі на галовы капюшонамі закідалі удзельнікаў шэсця яйкамі і пабеглі ў бок вуліцы Мяснікова.
Нягледзячы на тое што ў пагоні за імі ўдзельнічала некалькі міліцыянераў, якой-небудзь інфармацыі аб іх затрыманні не паступала.
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары