Большасць расіянаў лічаць Беларусь дружалюбнай дзяржавай, аднак супраць продажу Мінску энергарэсурсаў па заніжаных цэнах. Пра гэта сведчаць вынікі апытання Усерасійскага цэнтра вывучэння грамадскай думкі (ВЦІОМ), які апублікаваны ў чацвер.
Супраць прадастаўлення зніжак на нафту і газ нават у абмен на падтрымку з боку Мінска выказаліся 56% рэспандэнтаў, супрацьлеглага меркавання прытрымліваюцца 38%. Больш за ўсё тых, хто не хоча даваць Беларусі прэферэнцый, сярод грамадзян ва ўзросце ад 45 да 59 гадоў, найменшая — сярод моладзі ад 18 да 24 гадоў.
Непасрэдна супраць продажу Беларусі энергарэсурсаў па цане, ніжэйшай за рынкавую, 60% апытаных, згодныя на такі крок 32%. У той жа час, як адзначылі ў ВЦІОМ, валодаючы інфармацыяй аб запазычанасці Мінска перад Газпромам, доля праціўнікаў продажу нафты і газу па заніжаных цэнах вырастала да 69%.
Акрамя таго, пераважная большасць — 78% — грамадзян выказаліся за ўвядзенне візавага рэжыму з Беларуссю з-за рашэння Мінска адмяніць абмежаванні на ўезд грамадзянам 80 краін. Толькі 16% пагадзіліся на захаванне адкрытай мяжы паміж дзвюма краінамі.
У той жа як сяброўскую дзяржаву Беларусь ўспрымаюць 40% расіянаў, як гандлёвага і эканамічнага партнёра — 35%, як стратэгічнага — 9%. Пры гэтым толькі чатыры працэнты грамадзян лічаць саюзную дзяржаву канкурэнтам, а 3 працэнты — праціўнікам.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»9
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары