Выпадак Асеціі і Абхазіі розьніцца ад Эрытрэі, Тымору-Лештэ і Косава тым, што Расея дзейнічае аднаасобна. Кітай стаіць за прынцып тэрытарыяльнае цэласнасьці, а Маскву на сёньня афіцыйна падтрымалі толькі тры краіны ва ўсім сьвеце — Беларусь, Вэнэсуэла і Сырыя.
Рада Фэдэрацыі Расеі адзінагалосна заклікала прэзыдэнта Расеі прызнаць незалежнасьць Паўднёвай Асеціі і Абхазіі. Тое самае рашэньне сёньня мае прыняць таксама Дзяржаўная Дума Расеі. У Маскве знаходзяцца кіраўнікі самаабвешчаных рэспублік.
Гэтае рашэньне ня мае юрыдычнае сілы. Прызнаць незалежнасьць можа толькі Міністэрства замежных справаў на даручэньне прэзыдэнта. Пакуль няясна, ці пойдуць Пуцін і Мядзьведзеў на такі крок.
Прэцэдэнтамі апошняга часу былі Эрытрэя, Тымор-Лештэ і Косава. У выпадку афрыканскай і азіяцкай краінаў існаваў кансэнсус міжнароднае супольнасьці. У выпадку Косава рашэньне прымалася супольна заходнімі вялікімі дзяржавамі і ісламскімі краінамі, нягледзячы на скепсіс ці супраціў Расеі і Кітаю, і было падтрыманае шасьцю дзясяткамі краінаў.
Выпадак Асеціі і Абхазіі розьніцца тым, што Расея дзейнічае аднаасобна. Кітай стаіць за прынцып тэрытарыяльнае цэласнасьці, а Маскву на сёньня афіцыйна падтрымалі толькі тры краіны ва ўсім сьвеце — Беларусь, Вэнэсуэла і Сырыя.
У выпадку аднабаковага прызнаньня Расея сутыкнецца з халоднай рэакцыяй Захаду.
Прэзыдэнт Францыі Нікаля Сарказі склікае ў сымбалічны дзень 1 верасьня саміт Эўрасаюзу, каб абмеркаваць сытуацыю ў Грузіі. Сустрэча адбудзецца ў Брусэлі. Камэнтатары адзначаюць, што да стану прыхільнікаў цьвярдзейшае рэакцыі на дзеяньні Расеі далучылася канцлерка Нямеччыны Ангела Мэркель, а пасьлядоўна прарасейскія пазыцыі займае толькі ўрад Бэрлюсконі (Італія).
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары