У адной з клінік Мінскага раёна затрыманы жыхар сталіцы, які краў кашалькі пацыентаў, у тым ліку тых, хто праходзіў лячэнне ў анкалагічных аддзяленнях, паведамілі ва УУС Мінскага аблвыканкама.
Заявы аб крадзяжы кашалькоў з грашыма сталі паступаць у міліцыю ад пацыентаў бальніц Мінскага раёна і сталіцы з пачатку кастрычніка. Людзі тлумачылі, што маёмасць знікала з палат, калі яны абедалі ў сталовай.
Пасля вывучэння запісаў з камер відэаназірання быў выяўлены меркаваны злодзей. Ім аказаўся 30-гадовы жыхар Мінска, які вызваліўся з месцаў пазбаўлення волі ў канцы верасня, дзе адбываў пакаранне за аналагічныя злачынствы. У ходзе далейшых аператыўна-вышуковых мерапрыемстваў падазрэнні супрацоўнікаў праваахоўных органаў пацвердзіліся. Затрымаць зламысніка супрацоўнікі аператыўна-пошукавага аддзела УУС аблвыканкама змаглі з доказамі злачынства ў адной з клінік у пас. Лясны Мінскага раёна.
Аказалася, мінчук за тры тыдні абакраў больш за 20 пацыентаў, у тым ліку тых, хто праходзіў лячэнне ў анкалагічных аддзяленнях. За адзін паход у медустанову ён мог скрасці 3-4 кашалькі. Агульная сума выкрадзенага склала звыш за 2 тысячы рублёў. Усе грошы мужчына прайграваў у гульнявых клубах і казіно.
У цяперашні час падазраваны знаходзіцца ў ізалятары часовага ўтрымання. У дачыненні да яго распачатая крымінальная справа па ч. 2 арт. 205 (крадзеж, учынены паўторна) КК РБ, санкцыя якой прадугледжвае пакаранне да 4 гадоў пазбаўлення волі.
Таксама падследнага правяраюць на дачыненне да аналагічных злачынстваў у іншых бальніцах Мінскага раёна і сталіцы.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы38
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары