Амерыканскі часопіс Forbes упершыню апублікаваў рэйтынг самых багатых людзей, якія зарабілі свае грошы на крыптавалютах. Усяго ў спіс увайшлі 19 чалавек. Зрэшты, рэдакцыя часопіса адзначае, што маглі ўпусціць некаторыя асобы.
На першым месцы знаходзіцца Крыс Ларсэн — сузаснавальнік крыптавалютнай платформы для аплатных сістэм Ripple. Яго багацце ацэньваецца ў $7,5 — $8 мільярдаў. Другое месца з багаццем у $ 1-5 млрд заняў Джозэф Лубін, заснавальнік крыптавалютнай платформы ConsenSys, на трэцім Чанпен Чжао — дырэктар крыптаабменнай біржы Binance ($ 1,1-2 мільярды).
На чацвёртым месцы ў спісе апынуліся браты-блізняты Тайлер і Кэмеран Уинклвосс, вядомыя тым, што судзіліся з Маркам Цукербергам з-за ідэі стварэння Facebook. СМІ называюць іх першымі ў свеце крыптавалютнымі мільярдэрамі. Forbes ацаніў іх багацце ў $ 900 мільёнаў- $ 1,1 мільярда.
Пяцёрку замыкае інвестар Мэцью Меллон з багаццем у $ 900 мільёнаў- $ 1 мільярд. Ён пачаў займацца крыптавалютамі ўсяго год таму.
Для таго, каб патрапіць у цяперашні рэйтынг, трэба мець мінімум $ 350 мільёнаў, адзначаюць у Forbes.
Менавіта ў столькі ацэньваецца багацце «самага беднага» ўдзельніка рэйтынгу — паўднёвакарэйца Сон Чы Хена.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары