У Брэсце на блогера завялі крымінальную справу за паклёп на ўчастковага і абразу міліцыянтаў
Аўтар канала «Народны рэпарцёр» Сяргей Пятрухін падазраецца ў паклёпе на ўчастковага і абразе супрацоўнікаў міліцыі ў інтэрнэт-каментарах.
Пра тое, што ў дачыненні да актывіста распачалі крымінальную справу, стала вядома яшчэ ў канцы ліпеня. Тым не менш, да нядаўняга часу Сяргей Пятрухін не ведаў, за што канкрэтна яго абвінавацілі. Дэталі яму паведамілі толькі 14 жніўня на сустрэчы са следчым.
Па словах блогера, крымінальную справу па артыкуле «Паклёп» распачалі па заяве ўчастковага за відэа, якое Сяргей апублікаваў на сваім канале на YouTube. У роліку аўтар паведаміў, што праваахоўнік збіў жыхара Брэста Паўла Камінскага.
Крымінальную справу за абразу распачала гарадская пракуратура. Нагодай сталі каментары ў адрас супрацоўнікаў міліцыі, якія Сяргей размясціў на сцяне ў сацыяльнай сетцы 3 і 5 красавіка. Як падкрэсліў блогер, цяпер гэтыя каментары для прагляду недаступныя.
— Наколькі я памятаю, там не было прамых абраз, — адзначыў Сяргей Пятрухін.
Інфармацыю пра крымінальную справу TUT.BY пацвердзілі ў абласным упраўленні Следчага камітэта.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары