1 верасня па ўсёй краіне прайшлі святочныя лінейкі. Некаторыя школы сустракалі не толькі вучняў і бацькоў, але і высокапастаўленых асоб.
Кіраўнік краіны Аляксандр Лукашэнка наведаў урачыстасць у Александрыйскай сярэдняй школе Шклоўскага раёна, дзе сам калісьці вучыўся, і падарыў комплекс спартыўных трэнажораў.
![](http://nashaniva.com/img/w732d4webp1/photos/z_2018_09/lin-166hw.jpg.webp)
Прэм'ер-міністр Сяргей Румас наведаў сваю родную школу — СШ №2 Турава. У якасці падарунка ён перадаў мультымедыйную інтэрактыўную дошку і спартыўны інвентар.
![](http://nashaniva.com/img/w732d4webp1/photos/z_2018_09/000023_49f543c68412ca76432582fb003ac5a1_352152-yhpsn.jpg.webp)
Старшыня Праўлення Нацыянальнага банка Беларусі Павел Калаўр Дзень ведаў правёў на сваёй малой радзіме ў аграгарадку Белавуша Столінскага раёна Брэсцкай вобласці. Ён падарыў роднай школе ўнікальнае факсімільнае выданне «Кніжная спадчына Францыска Скарыны», выпушчанае летась і прысвечанае 500-годдзю беларускага кнігадрукавання.
![](http://nashaniva.com/img/w732d4webp1/photos/z_2018_09/4-m3z4c.jpg.webp)
Старшыня Палаты прадстаўнікоў Нацыянальнага сходу Рэспублікі Беларусь Уладзімір Андрэйчанка вітаў вучняў Бягомльскай сярэдняй школы Докшыцкага раёна. Спікер парламента прэзентаваў сертыфікат на набыццё ультрасучаснай інтэрактыўнай сэнсарнай сістэмы.
![](http://nashaniva.com/img/w732d4webp1/photos/z_2018_09/c6f060bc6a61a548b4eacd3a9dfef01c-3rad8.jpg.webp)
Cтаршыня Савета Рэспублікі Міхаіл Мясніковіч завітаў на лінейку ў гімназію №3 Магілёва і перадаў установе інтэрактыўную дошку.
![](http://nashaniva.com/img/w732d4webp1/photos/z_2018_09/000023_48b9708ad1325c27432582fb002de7c7_599406-mmqiu.jpg.webp)
Кіраўнік Адміністрацыі прэзідэнта Наталля Качанава 1 верасня наведала полацкую гімназію №1 імя Францыска Скарыны. Гэта не толькі яе родная школа, тут таксама вучыліся яе браты і дзеці. Гімназія ў падарунак ад Качанавай атрымала інтэрактыўную панэль, а ад старшыні Полацкага райвыканкама Мікалая Шаўчука — сертыфікат на набыццё камп'ютарнага класа.
![](http://nashaniva.com/img/w732d4webp1/photos/z_2018_09/000023_1535803819_316170_big-v5oaz.jpg.webp)
Міністр унутраных спраў Ігар Шуневіч удзельнічаў ва ўрачыстасці з нагоды Дня ведаў у Спецыялізаваным ліцэі МУС.
![](http://nashaniva.com/img/w732d4webp1/photos/z_2018_09/p1480413-ccuir.jpg.webp)
Старшыня Следчага камітэта Іван Наскевіч уручыў сертыфікат на спартыўны інвентар і 15 камплектаў формы для гульнявых відаў спорту роднай школе ў Цярэблічах Брэсцкай вобласці.
![](http://nashaniva.com/img/w732d4webp1/photos/z_2018_09/000023_20489e0c60de4cbb432582fb00472af5_915701-hrh09.jpg.webp)
Першы намеснік прэм'ер-міністра Аляксандр Турчын прыехаў у родную школу ў Навагрудак — СШ №4. Ад Урада краіны ён перадаў сертыфікат на 10 тысяч рублёў. Акрамя таго, старшыня Навагрудскага райвыканкама Анатоль Маркевіч прэзентаваў камп'ютарны клас.
![](http://nashaniva.com/img/w732d4webp1/photos/z_2018_09/bdad218bea3367f73b41ae17b07c1656-gbode.jpg.webp)
Намеснік прэм'ер-міністра Беларусі Ігар Ляшэнка вітаў студэнтаў Гомельскага дзяржаўнага ўніверсітэта — калісьці ён тут скончыў эканамічны факультэт. У якасці падарунка Ігар Ляшэнка ўручыў рэктару ГДУ Сяргею Хахомаву сертыфікат на інтэрактыўную дошку.
![](http://nashaniva.com/img/w732d4webp1/photos/z_2018_09/2fd8f0cd480d13d010e1b8b2d314e1ea-14znm.jpg.webp)
Намеснік прэм'ер-міністра Ігар Петрышэнка прыехаў на лінейку ў родную Веткаўскую сярэднюю школу №1 імя Андрэя Грамыкі. У падарунак установа атрымала камп'ютарны клас, факсіміле «Кніжная спадчына Францыска Скарыны» і спартыўны інвентар для валейбола.
![](http://nashaniva.com/img/w732d4webp1/photos/z_2018_09/eb981f2e28822348788c80bd27266467-j3umf.jpg.webp)
Першы намеснік кіраўніка Адміністрацыі прэзідэнта, старшыня БФБ Максім Рыжанкоў павіншаваў з пачаткам новага навучальнага года школьнікаў гімназіі №36, выпускніком якой ён з'яўляецца. Таксама ён узяў удзел у адкрыцці абноўленай спартыўнай залы і перадаў мячы і камплекты гульнявой экіпіроўкі.
![](http://nashaniva.com/img/w732d4webp1/photos/z_2018_09/000023_8303f04233ed648d432582fb003360d5_214525-i3lpt.jpg.webp)
Каментары