Той самы, які ў Лідзе згубіў міліцыянер.
На Гарадзеншчыне працягваюцца традыцыйныя мерапрыемствы па здачы зброі, насельніцтва агітуюць зрабіць гэта добраахвотна.
Але некаторыя не жадаюць здаваць, спрабуюць яе прадаць.
У Лідзе здарыўся незвычайны выпадак. У мясцовым «доме правасуддзя» адзін гараджанін знайшоў пісталет, які быў згублены міліцыянтам.Чалавек надзвычай узрадаваўся знаходцы: зараблю!
Аднак усё здарылася з дакладнасцю да наадварот: ён трапіў праз некалькі дзён пад крымінальную справу.
І тое яшчэ толькі паўбяды: мяркуючы па ўсім, збройны «бізнэсовец» пацягне за сабой другога лідчука, якому заманулася купіць гэты згублены пісталет.
Што цікава, цана была зусім невялікай — дзвесце даляраў. Аператыўнікам удалося затрымаць абодвух. У пакупніка ў гаражы знайшлася таксама іншая зброя і патроны.
Каментары