Увечары 10 ліпеня ў швайцарскім Бэрне прайшла акцыя салідарнасьці зь Беларусьсю, на якую выйшлі паўсотні чалавек, расказалі «Свабодзе» ў БСДП (Грамада). Акцыю зладзіў актывіст «Грамады» Аляксей Мілюкоў, які быў зьняволены ў Беларусі на тры гады за «маральную і фізычную шкоду супрацоўніку ДАІ».
Удзельнікі акцыі ў Бэрне заклікалі вызваліць палітычных зьняволеных у Беларусі і правесьці сумленныя выбары.
На акцыі, сьцьвярджае БСДП, прысутнічаў вядомы швайцарскі праваабаронца, таксама занепакоены тым, што адбываецца ў Беларусі. Ён паабяцаў прыцягнуць увагу швайцарскіх парлямэнтарыяў і іншых праваабарончых арганізацыяў да гэтай праблемы.
Таксама на акцыі падпісалі паштоўкі для палітвязьняў, «каб карная сыстэма Беларусі ўбачыла, што ўвесь сьвет ведае пра дыктатуру ў Беларусі і што ніводзін беларус ня кіне ў бядзе свой народ».
Акцыя прайшла мірна. БСДП адзначае, што ўдзельнікаў ніхто не разганяў, «бо Швайцарыя — дэмакратычная краіна, дзе кожны мае права на сваё меркаваньне і свабодна можа яго выказваць, не асьцерагаючыся наступстваў, чаго, на жаль, нельга сказаць сёньня пра Беларусь».
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары