Звольнілі выкладчыцу мінскага меда — прыйшла падтрымаць студэнтаў на адлупе ў адміністрацыі
Па «згодзе бакоў і ўласным жаданні» з Беларускага дзяржаўнага медыцынскага ўніверсітэта сышла выкладчыца лабараторыі практычнага навучання Юлія Матусевіч.
Раней яна знялася ў відэа ў падтрымку грамадзянскіх правоў, а таксама актыўна абараняла сваіх студэнтаў.
Чаму давялося пісаць заяву?
«Учора падчас практычных заняткаў па першай дапамозе ў кабінет, дзе я выкладала, прыйшла дэкан і звярнулася да адной са студэнтак з просьбай прыйсці да 14-й у рэктарат па пытанні праведзенай у сераду сядзячай забастоўкі», — расказала Матусевіч «Нашай Ніве».
«У гэты час у мяне быў перапынак паміж парамі, я вырашыла схадзіць туды таксама, каб падтрымаць студэнтаў: яны нічога не парушылі, гэта людзі з вялізным узроўнем адказнасці і высокім інтэлектам. Я з імі працую і сцвярджаю гэта ўпэўнена, а з імі не вядуць дыялог, а спрабуюць арганізаваць цкаванне і адлуп, яшчэ і з запрашэннем пракурора.
Пасля маналога адміністрацыі студэнтам прапанавалі задаць пытанні, але на іх не адказалі — сказалі, што гэтыя пытанні можа падаць у пісьмовым выглядзе і атрымаць адказ. Тады выступіла я, можна сказаць, са спробай падвесці вынікі, але не паспела — мяне абсеклі.
Я сказала, што рэктарат патрабуе ад студэнтаў павагі, у той жа час адміністрацыя села за сталы, а студэнты стаяць — гэта нармальна? І ўвогуле было б добра паставіць лавы ў холах, каб студэнты не сядзелі на голых прыступках падчас пратэстаў.
Сёння раніцай мне пазванілі і сказалі, што праз учорашняе найлепшым варыянтам будзе звальненне па ўласным жаданні, я яго напісала.
Для мяне гэтая работа была сумяшчэннем, таму я сыходжу не ў нікуды. Чакаю, пакуль вярнуся на гэтую працу ў новых абставінах. Але нават калі б я не працавала як сумяшчальнік, я б усё роўна зрабіла ўсё тое самае».
Удзячныя студэнты цяпер пішуць ёй словы падтрымкі ў сацыяльных сетках, Матусевіч у адказ настаўляе быць разумнымі і трымаць нос вышэй: «Жыве Беларусь!»
Чытайце таксама: «Мне сказалі, што я перайшоў мяжу». Звальняецца выкладчык меда, які падтрымаў студэнтаў
Цяпер чытаюць
Сёстры Груздзевы цяпер важаць пад 100 кілаграмаў кожная20
Сёстры Груздзевы цяпер важаць пад 100 кілаграмаў кожная
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары