Інтэрв'ю са Святланай Ціханоўскай у газеце Intex-press прызнана экстрэмісцкім
Згодна з пазовам Баранавіцкай міжрайпракуратуры апублікаванае ў газеце Intex-press інтэрв'ю са Святланай Ціханоўскай і яго відэазапіс прызнаныя экстрэмісцкімі матэрыяламі, паведамляе БАЖ.
«У інтэрв'ю Святланы Ціханоўскай змяшчалася інфармацыя, накіраваная на распальванне ў грамадстве палітычнай, ідэалагічнай, сацыяльнай варажнечы», паведамляе Генпракуратура.
Нагадаем, што галоўнага рэдактара выдання Уладзіміра Янукевіча выклікалі ў суд як уладальніка сайта Intex-press, на якім была размешчаная электронная версія матэрыялу. Яму далі максімальна магчымае для фізасобы пакаранне — 20 базавых штрафу (580 рублёў).
Акрамя таго, Баранавіцкі міжраённы пракурор абвясціў Уладзіміру Янукевічу афіцыйнае папярэджанне аб недапушчальнасці паўторнага парушэння заканадаўства аб СМІ.
Па заяве тэрытарыяльнай пракуратуры суд сваім рашэннем прызнаў апублікаваны ў газеце Intex-press артыкул, а таксама размешчаны на інтэрнэт-рэсурсе тэкст інтэрв'ю і яго відэазапіс экстрэмісцкімі матэрыяламі і дапусціў яго неадкладнае выкананне.
Копія рашэння накіравана ў Мінінфармацыі для ўключэння інфармацыйнай прадукцыі ў рэспубліканскі спіс экстрэмісцкіх матэрыялаў, абмежавання доступу да інтэрнэт-сайта за парушэнне парадку выкарыстання рэсурсу і размяшчэння на ім інфармацыі, распаўсюджванне якой забаронена заканадаўствам.
Учора стала вядома, што «Белпошта» адмовілася ўключаць газету ў падпісны каталог на другое паўгоддзе, а гандлёвыя сеткі адмовіліся прадаваць выданне.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»9
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары