Праваабаронца Уладзь Лабковіч: Усе ў камеры чытаюць стосы лістоў, а я — ніводнага
Маці праваабаронцы Уладзіміра Лабковіча распавяла «Народнай Волі», пра што піша сын з СІЗА і пра тое, што да яго не даходзяць лісты: «Дзецям вельмі не хапае бацькі…»
Уладзя Лабковіча затрымалі 14 ліпеня, разам з Алесем Бяляцкім і Валянцінам Стэфановічам. З таго часу праваабаронцы знаходзяцца за кратамі.
Паводле слоў Людмілы Уладзіміраўны, маці Уладзіміра Лабковіча, сувязь з сынам апошнім часам пагоршылася: яму перадаюць толькі некаторыя лісты ад сям’і.
«Я не атрымаў віншаванні са святамі ад жонкі і дзетак, — напісаў Уладзімір. — Амаль не атрымліваю лісты ад іх. Усе ў камеры чытаюць стосы лістоў, а я — ніводнага».
За паўгода зняволення ў праваабаронцы значна пагоршылася здароўе. Людміла Уладзіміраўна кажа, што сын скардзіцца на частыя галаўныя болі і бяссонніцу. Таксама ў яго вельмі пагоршыўся зрок. Пра настрой сына Людміла Уладзіміраўна адказвае рытарычным пытаннем:
— Які можа быць настрой, калі ўсе дні нараджэння дзетак і яго любімыя святы праходзяць без яго?
Уладзіміра дома чакае дачка і двое хлопцаў-блізнят, якім па восем гадоў. Праваабаронца ў лістах да калег піша, што вельмі хвалюецца, што яны растуць без яго і ён не можа браць удзелу ў іх выхаванні. Людміла Уладзіміраўна дадае, што сын у кожным лісце піша, як любіць іх:
— Ён заўсёды быў добрым сынам, мужам, бацькам, таму хвалюецца, калі хтосьці захварэе. Дзецям ён дае парады, як паводзіць сябе, асабліва хлопцам. У кожным лісце ён піша, што ўсіх вельмі любіць. Дзецям не хапае бацькі. Гэта і зразумела. Хіба нехта можа растлумачыць гістарычную падзею ці распавесці казку так, як тата?
«Пакой, сцяна, два сэрцы на люстэрку»: Паўла Белавуса перавялі ў камеру, дзе раней была Марыя Калеснікава
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары