Прэмʼер-міністр Раман Галоўчанка падчас працоўнай паездкі ў Мядзельскі раён прызнаў, што ў Беларусі ўзніклі праблемы з імпартам медыцынскага абсталявання з Захаду, паведамляе прэс-служба ўрада.
Галоўчанка расказаў, што ў адным з апошніх пакетаў санкцый прадугледжваліся так званыя гуманітарныя выключэнні. Яны тычыліся, як сцвярджае Галоўчанка, паставак харчавання, медыцынскага абсталявання, медыкаментаў і г. д.
«Але гэта дэкларавалася. А цяпер, калі мы ставім пытанне аб закупках новага медыцынскага абсталявання, напрыклад, для цэнтраў, якія рэканструююцца, то пакуль атрымліваем адказы, мякка кажучы, уніклівыя», — заявіў ён.
Тое ж самае, паводле Галоўчанкі, тычыцца і паставак запасных частак да высокатэхналагічных апаратаў.
«Гэта паказвае, наколькі двудушная і непаслядоўная пазіцыя [Захаду]… Гэта нават не бандытызм, а, можна жаргоннае слова ўжыць, «кідалава», — падкрэсліў прэмʼер.
Але Галоўчанка спадязецца, што праблему можна будзе вырашыць.
Чытайце таксама:
Галоўчанка гатовы даваць малому і сярэдняму бізнэсу крэдыты пад імпартазамяшчэнне
«Чалавек, які не разабраўся нават у гэтым пытанні, збіраецца выратаваць эканоміку краіны». Галоўчанка падчас суботніка насмяшыў беларусаў
Галоўчанка анансаваў дадатковы план падтрымкі эканомікі
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары