Вальфовіч заявіў, што ўкраінскія дыверсійна-выведвальныя групы заходзяць на тэрыторыю Беларусі
Дзяржаўны сакратар Рады бяспекі Аляксандр Вальфовіч у чарговы раз распавёў, як Беларусь «атачылі ворагі».
«Глядзіце, што дзеецца на паўднёвых рубяжах Беларусі, на тэрыторыі некалі сяброўскай нам брацкай Украіны. Сёння групоўка ўзброеных сіл на ровенскім кірунку складае каля 10,5 тысячы чалавек, на чарнігаўскім — 4,5 тысячы, на кіеўскім — больш за 5 тысяч.
Ідзе інжынернае абсталяванне участкаў ўкраінскай мяжы ўздоўж нашых паўднёвых межаў. Мініраванне, ажыццяўленне завалаў, дзеянні дыверсійна-разведвальных груп, у тым ліку з заходам на беларускую тэрыторыю»,
— распавёў Вальфовіч у эфіры праграмы «Арсенал» на «ВаенТБ».
Па яго словах, групоўка войскаў, якія знаходзяцца на тэрыторыі Польшчы, Літвы і Латвіі, павялічылася за апошнія два гады і складае сёння 37,5 тысячы чалавек.
«Групоўка авіяцыі павялічылася ў разы і складае больш за 135 баявых самалётаў на тэрыторыі сумежных краін. Палёты разведвальнай авіяцыі пачасціліся — 6-7 самалётавылетаў уздоўж нашай мяжы кожныя суткі».
Старшыня Дзяржаўнага пагранічнага камітэта Анатоль Лапо адзначыў, што апошні год пагранічнікі фактычна нясуць службу ва ўзмоцненым варыянце.
«Нам дапамагаюць Узброеныя сілы, таму што сілы і сродкі ў нас абмежаваныя пад такую абстаноўку», — прыводзіць яго словы БелТА.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары