Патрыярх Кірыл пракаментаваў заяву УПЦ аб незалежнасці, не ўзгадваючы яе
Падзел праваслаўных людзей Расіі і Украіны ніколі не будзе дасягнуты, заявіў у нядзелю Патрыярх Маскоўскі і ўсяе Русі Кірыл, піша ТАСС.
«Мы сёння не можам не смуткаваць аб тым, што адбываецца на брацкай Украіне. Несумненна, тыя ж духі злосці паднябеснай настроіліся на царкву нашу, імкнучыся не проста падзяліць праваслаўных людзей Русі і Украіны, але зрабіць так, каб паміж намі пралегла прорва. <… > Глыбока перакананы ў тым, што, паколькі ўсе гэтыя намаганні не ад Бога і не па Божым благаславенні, сапраўднай мэты ніколі дасягнута не будзе», ‒ сказаў патрыярх.
РПЦ, паводле патрыярха Кірыла, ставіцца з «поўным разуменнем» да таго, як «пакутуе Украінская праваслаўная царква».
«Мы з поўным разуменнем ставімся да таго, як сёння пакутуе Украінская праваслаўная царква, мы з разуменнем ставімся да таго, што блажэнны мітрапаліт Ануфрый і епіскапат павінны максімальна мудра сёння дзейнічаць, каб не ўскладняць жыццё свайго верніка. Мы да ўсяго гэтага з разуменнем ставімся, але мы молімся і аб тым, каб ніякія часовыя, вонкавыя міжсценні ніколі не разбурылі духоўнае адзінства нашага народа», — сказаў патрыярх.
У пятніцу ў Кіеве Сабор УПЦ прыняў пастанову, у якой гаворыцца пра прынятыя «дапаўненні і змены ў статут аб кіраванні УПЦ, якія сведчаць аб поўнай самастойнасці і незалежнасці Украінскай праваслаўнай царквы».
Чытайце таксама:
Тэолаг: Выхад УПЦ з-пад кіраўніцтва Маскоўскага патрыярхата адбыўся, і ён носіць не тактычны, а стратэгічны характар
Маскоўскі патрыярх Кірыл упэўнены, што «Расія ніколі ні на кога не нападала»
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары