Былы «дэпутат Незалежнасці» Мікалай Маркевіч трапіў у бальніцу, не дасядзеўшы 10 сутак
Журналіст і былы дэпутат Вярхоўнага Савета 12-га склікання Мікалай Маркевіч не здолеў адбыць накладзены на яго 10-суткавы адміністрацыйны арышт цалкам, бо патрапіў у бальніцу за дзень да канца тэрміну, паведаміла ініцыятыва «Право имеют».
59-гадовага Маркевіча затрымалі 21 чэрвеня ў Гродне. Пазней яго асудзілі на 10 сутак за нейкі рэпост. Аднак цалкам тэрміну ён не адбыў, бо трапіў у бальніцу.
Мікалай Маркевіч — адзін з дэпутатаў Апазіцыі БНФ у Вярхоўным Савеце 12-га склікання (1990—1995). У 1995 годзе ён быў удзельнікам галадоўкі дэпутатаў Вярхоўнага Савета, арганізаванай у знак пратэсту аб правядзенні рэферэндуму па пытаннях змены дзяржаўнай сімволікі і ўвядзення дзяржаўнага двухмоўя. Пасля быў адным з заснавальнікаў і галоўным рэдактарам гродзенскай газеты «Пагоня», у 2002 годзе яго асудзілі на два гады абмежавання волі за паклёп на Лукашэнку.
Апошнім часам Маркевіч займаўся пасажырскімі перавозкамі ў фірме «Клас-Тур».
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары