«Як дома» — пад такім слоганам сёлета пройдзе кінафестываль «Паўночнае ззянне». Трэйлер натхнёны маніфестам дырэктаркі фестывалю Волі Чайкоўскай.
Фестываль кіно Паўночных і Балтыйскіх краін адбудзецца з 20 па 30 лістапада. Сёлета фэст чакаецца ў гібрыдным фармаце: беларускую праграму пакажуць offline ў Таліне, Рызе і Стакгольме, а online будзе даступная ўся праграма бясплатна. Каб глядзець добрае фестывальнае кіно, трэба будзе толькі зарэгістравацца (рэгістрацыя адкрыецца пазней). Але ўжо цяпер вы можаце падтрымаць фестываль данатам.
«У трэйлеры мы шукаем адметныя для нас прадметы і з’явы, што нагадваюць дом і ствараюць дом вакол нас саміх: імбрычак, сланечнік, ложак, зэдлік, шыпшына, — разважае дырэктарка Воля Чайкоўская. — Гэтыя рэчы мы носім з сабой у думках ці ў чамаданах, як унутраны стрыжань, мы вяртаемся да іх, нагадваючы сабе, хто мы, адкуль ідзём і куды».
У гэтым годзе над трэйлерам працавалі Юля Васільчэнка (графічны дызайн), Аня Працэнка (дызайн), Дзмітрый Калашнікаў (анімацыя), SG (гук). Зрэжысавала і спрадзюсавала ролік Воля Чайкоўская.
-
На Тыдзень беларускай культуры Музей Луцкевіча ператворыцца ў музей Попкі
-
Сядзібу Грабніцкіх пад Ушачамі куплялі ўжо двойчы — і вось яна зноў на аўкцыёне за адну базавую
-
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары