Канцэрт-прэзентацыя новага выдання кнігі «(Не)расстраляныя» адбудзецца ў Варшаве 30 кастрычніка
Літаратурна-музычная вечарына прымеркаваная да Ночы паэтаў — міжнароднай акцыі памяці. Сёлета — 85-я гадавіна гэтай трагічнай даты. У імпрэзе прымуць удзел укладальнік кнігі Сяргей Будкін, драматург Васіль Дранько-Майсюк, акторка Алена Баярава, музыка Алесь Дзянісаў, музычныя праекты Chornabrova і Relikt.
На канцэрце-прэзентацыі будуць гучаць проза Міхася Зарэцкага і фельетоны Анатоля Вольнага, вершы Міхася Чарота, Алеся Дудара, Тодара Кляшторнага, Валеры Маракова — творцаў, фізічна знішчаных рэжымам у 1937 годзе, але чые радкі, чый стваральны дух жывуць і сёння.
Кніга «(Не)расстраляныя», дзе сабраныя гісторыі жыцця, выбраныя творы і архіўныя здымкі беларускіх пісьменнікаў, што былі рэпрэсаваныя сталінскім рэжымам, пабачыла свет у лютым 2021 года ў мінскім выдавецтве «Янушкевіч». Тады ў продаж паступіла ўсяго 100 асобнікаў.
Гэты выдавецкі праект быў названы экспертамі «Кнігай году» у жанры non-fiction, а таксама атрымаў прэмію імя Алеся Адамовіча, што ўручаецца Беларускім ПЭН-цэнтрам за найлепшыя публіцыстычныя выданні.
Выходзіць ужо другое выданне «(Не)расстраляных». На гэты раз — у беластоцкім выдавецтве Kamunikat.
Імпрэза адбудзецца ў Музеі Вольнай Беларусі (Foksal, 11) 30 кастрычніка а 18.00 па мясцовым часе. Уваход вольны!
-
Мішусцін: Цана газу для стран ЕАЭС не перавышае 200 даляраў за 1000 кубаметраў
-
Ціханоўскі лайкнуў камент «У Вольнай Беларусі Ціханоўская будзе сядзець за свае злачынствы»
-
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары