Пластычнаму хірургу Аляксею Дужаму дадалі новыя суткі за кратамі
Пластычны хірург Аляксей Дужы быў затрыманы на мінулым тыдні. Па інфармацыі суполкі дактароў «Белыя халаты», ён не выйшаў на свабоду пасля 15-сутачнага арышту.
Па інфармацыі калег, Дужаму дадалі яшчэ 12 сутак. Адваката да доктара па-ранейшаму не дапускаюць.
3 лютага яго судзіў суддзя Аляксандр Воўк, 15 лютага — суддзя Вольга Емяльянчанка. У абодвух выпадках доктару інкрымінавалі арт. 19.11 КаАП (распаўсюджванне экстрэмісцкіх матэрыялаў), паведамляюць праваабаронцы.
Паведамлялася, што хірурга затрымалі непасрэдна ў клініцы на працоўным месцы. Доктар знаходзіцца на Акрэсціна.
Раней Аляксея затрымлівалі ў 2020 годзе.
Каментары