У Быхаве кампанія падлеткаў бегала па закінутых дамах. У выніку падлога пад дзесяцігадовым хлопчыкам правалілася, ён атрымаў чэрапна-мазгавую траўму, пераломы рук і іншыя пашкоджанні. Пра гэта паведаміў Дзяржаўны камітэт судовых экспертыз.
13 чэрвеня кампанія падлеткаў зайшла ў стары двухпавярховы будынак былой казармы, у адной з частак якіх вядуцца рамонтныя работы. Тут 10-гадовы хлопчык падняўся на другі паверх па драўлянай лесвіцы і стаў там бегаць. У нейкі момант пад ім правалілася драўляная падлога — і школьнік упаў на першы паверх.
Са шматлікімі цялеснымі пашкоджаннямі, у тым ліку з закрытай чэрапна-мазгавой траўмай, пераломамі абедзвюх кісцяў рук і іншымі траўмамі хлопчыка шпіталізавалі ў раённую бальніцу, цяпер ён знаходзіцца на лячэнні ў Магілёўскай абласной дзіцячай бальніцы.
Каментары