Літва перакрыла рух у пункце пропуску «Меднікі» праз грамадзяніна Пакістана
Ён ехаў на аўтобусе Мінск — Вільня і паказаў падробленыя румынскія дакументы.
Сёння а 13:00 літоўскі бок «у аднабаковым парадку спыніў афармленне асоб і транспартных сродкаў у пункце пропуску «Меднікі» (Мядзінінкай).
Прадстаўнік дзяржаўнай памежнай службы (VSAT) Гедрус Мішуціс пацвердзіў Elta, што перасячэнне мяжы з абодвух бакоў спыненае ў пункце пропуску «Мядзінінкай» на мяжы з Беларуссю. Паводле яго слоў, было прынята рашэнне часова прыпыніць перасячэнне мяжы праз гэты КПП, бо беларускія ўлады адмовіліся прыняць грамадзяніна Пакістана, які спрабаваў заехаць у Літву па падробленых дакументах, як піша Delfi.lt.
Гэты чалавек спрабаваў заехаць у Літву ў пятніцу на маршрутным аўтобусе «Мінск — Вільня».
«Грамадзянін Пакістана паказаў памежнікам падробленыя румынскія правы кіроўцы і падробленае румынскае пасведчанне асобы. Звычайна гэта тычыцца тых, хто хоча ўехаць у краіны Еўрасаюза без віз», — сказаў спадар Мішуціс.
Паводле яго слоў, гэтага грамадзяніна высадзілі з аўтобуса, не пускаючы ў краіну. Па словах Мішуціса, у такіх выпадках чалавек з падробленымі дакументамі вяртаецца ў краіну, з якой ён выехаў, але беларускія ўлады, па словах прадстаўніка VSAT, адмовіліся яго прыняць.
Цяпер чытаюць
Беларускі чыноўнік загаварыў па-беларуску, чым вельмі здзівіў і парадаваў людзей3
Каментары