Па звестках статыстыкаў, у Германіі 61 працэнт маладых людзей ад 15 да 24 гадоў жыве за грошы бацькоў або дапамогу ад дзяржавы.
Як паведаміла Федэральнае статыстычнага ўпраўлення Германіі, па дадзеных мікраперапісу 2022 года, кожны другі малады чалавек краіны ва ўзросце ад 15 да 24 гадоў (50%) жыў у асноўным на даходы бацькоў ці іншых сваякоў. Кожны дзевяты (11%) атрымліваў асноўны даход ад дзяржаўных дапамог. 38%, наадварот, большую частку сваіх грошай зараблялі самі.
На думку статыстыкаў, за апошнія гады сітуацыя змянілася нязначна. Аднак 30 гадоў таму яна выглядала інакш. У 1992 г. кожны другі ўзросце ад 15 да 24 гадоў зарабляў на жыццё ўласнай працай. Другая палова (што на 11% менш за паказчык 2022-га года) залежала ад фінансавай падтрымкі. Для 42% асноўнай крыніцай даходу былі даходы сваякоў, а для 8% — розныя віды дзяржаўнай дапамогі.
Што да беспрацоўя сярод моладзі, то ў Германіі яно значна ніжэйшае за сярэдні паказчык па ЕС. У мінулым годзе, паводле звестак Еўрапейскага статыстычнага органа Еўрастат, узровень беспрацоўя сярод моладзі ва ўзросце ад 15 да 24 гадоў у краіне склаў 6,8% (564 тысячы). Для параўнання, у чэрвені 2023 года ў Нямеччыне не было запоўнена 256 тысяч месцаў для прафесійнага навучання.
Хоць беспрацоўе знізілася ў параўнанні з першымі двума гадамі пандэміі (7,4% у 2020-м і 7,8% у 2021-м), яно ўсё яшчэ вышэй за дзесяцігадовы мінімум у 5,7%, які быў зафіксаваны ў 2019 годзе.
За апошнія 15 гадоў паказчык беспрацоўя ў Германіі знізіўся амаль удвая. У 2007 годзе ён быў роўны 11,9%.
Сярэдні ўзровень беспрацоўя ў гэтай узроставай катэгорыі па ЕС у мінулым годзе склаў 14,5%, што больш як у два разы вышэй, чым у Германіі. Беспрацоўе сярод моладзі ва ўзросце ад 15 да 24 гадоў было самым высокім у Грэцыі (31,4%) і Іспаніі (29,8%).
Федэральнае статыстычнае ўпраўленне Германіі адзначае, што ў ходзе дэмаграфічных змен узроставая група ад 15 да 24 гадоў складае ўсё меншую частку ўсяго насельніцтва Германіі. Доля маладых людзей ва ўзросце ад 15 да 24 гадоў у агульнай колькасці насельніцтва на канец 2022 г., як і годам раней, склала 10,0% (8,46 млн чалавек), застаючыся на самым нізкім узроўні з 1950 г.
Германія не адзіная краіна, дзе моладзь усё пазней уваходзіць у прафесійнае жыццё і ўсё даўжэй вучыцца. Тыя самыя тэндэнцыі ўласцівыя і іншым краінам рэгіёна, у тым ліку Беларусі.
Чытайце яшчэ:
Сярэдні клас у Германіі паволі скарачаецца
Германія разглядае магчымасць вярнуцца да атамнай энергетыкі
Стала вядомая асоба рабочага «Беларуськалія», які загінуў пры абрушэнні горнай пароды1
Каментары